ದರ್ಶನ್ ಪ್ರಕರಣದ 'ಮಾಫಿ ಸಾಕ್ಷಿ' ಪ್ರದೋಷ್‌ಗೆ ಜೈಲಿನಲ್ಲಿ ಜೀವಬೆದರಿಕೆ: ಭದ್ರತೆ ಹೆಚ್ಚಳ

ದರ್ಶನ್ ಮತ್ತು ಡಿ ಗ್ಯಾಂಗ್‌ನ ರೇಣುಕಾಸ್ವಾಮಿ ಕೊಲೆ ಪ್ರಕರಣದ 'ಮಾಫಿ ಸಾಕ್ಷಿ' ಪ್ರದೋಷ್‌ಗೆ ಜೈಲು ಅಧಿಕಾರಿಗಳು ಹೆಚ್ಚಿನ ಭದ್ರತೆ ಒದಗಿಸಿದ್ದಾರೆ. ಜೈಲಿನಲ್ಲಿ ಪ್ರದೋಷ್‌ಗೆ ಯಾವುದೇ ಅಪಾಯ ಎದುರಾಗುವ ಸಾಧ್ಯತೆ ಇದೆ ಎಂಬ ಗುಪ್ತಚರ ಮಾಹಿತಿ ಲಭ್ಯವಾಗಿ, ಕಾರಾಗೃಹ ಇಲಾಖೆಯು ಬಿಗಿ ಭದ್ರತೆಯನ್ನು ಏರ್ಪಡಿಸಿದೆ. ಸೋಮವಾರ 59ನೇ ಹೆಚ್ಚುವರಿ ಸಿಟಿ ಸಿವಿಲ್ ಮತ್ತು ಸೆಷನ್ಸ್ ಕೋರ್ಟ್‌ನಲ್ಲಿ ಪ್ರದೋಷ್ ಹೇಳಿಕೆ ದಾಖಲಿಸಲಾಗಿದ್ದು, ನ್ಯಾಯಾಲಯಕ್ಕೆ ಕರೆದೊಯ್ಯುವ ಹಾದಿಯಲ್ಲೂ ಗರಿಷ್ಠ ಪೊಲೀಸ್ ಭದ್ರತೆ ನೀಡಲು ನಿರ್ಧರಿಸಲಾಗಿದೆ.