ಬೆಂಗಳೂರಿನಲ್ಲಿ ಧರ್ಮಸ್ಥಳದ ಮಾದರಿಯ ಅದ್ಧೂರಿ ಗಣೇಶೋತ್ಸವ

ಬೆಂಗಳೂರಿನ ಸುಗ್ಗಟ್ಟ ಗ್ರಾಮದ ಜೈಮಾರುತಿ ವಿನಾಯಕ ಗೆಳೆಯರ ಬಳಗವು ಧರ್ಮಸ್ಥಳದ ದೇವಸ್ಥಾನದ ಭವ್ಯ ಮಾದರಿಯ ಗಣೇಶ ಮಂಟಪವನ್ನು ನಿರ್ಮಿಸಿ ಎಲ್ಲರ ಗಮನ ಸೆಳೆದಿದೆ. ಚಾಮರಾಜಪೇಟೆಯಿಂದ ಬಂದ ಕಲಾವಿದರು ಸುಮಾರು 4-5 ಲಕ್ಷ ರೂಪಾಯಿ ವೆಚ್ಚದಲ್ಲಿ, 40x20 ಅಡಿ ಅಳತೆಯಲ್ಲಿ ಧರ್ಮಸ್ಥಳದ ಮಂಜುನಾಥ ಸ್ವಾಮಿ ದೇವಾಲಯದ ಪ್ರತಿರೂಪವನ್ನು ಸೃಷ್ಟಿಸಿದ್ದಾರೆ. ದೇವಸ್ಥಾನದ ಮಾದರಿಯ ಜೊತೆಗೆ, ಒಳಗಿರುವ ಗಣೇಶ ಮೂರ್ತಿಯೂ ಸಹ ಮಂಜುನಾಥ ಸ್ವಾಮಿಯ ಮಾದರಿಯಲ್ಲಿರುವುದು ವಿಶೇಷ. ಪ್ರತಿದಿನವೂ ಪೂಜೆ ಪುನಸ್ಕಾರಗಳು, ನೈವೇದ್ಯ ಮತ್ತು ಪ್ರಸಾದ ವಿತರಣೆ ನಡೆಯುತ್ತಿದ್ದು, ಬೆಂಗಳೂರು ನಗರ, ಗ್ರಾಮಾಂತರ ಹಾಗೂ ಯಲಹಂಕ ಸೇರಿದಂತೆ ವಿವಿಧ ಭಾಗಗಳಿಂದ ಭಕ್ತರು ಆಗಮಿಸುತ್ತಿದ್ದಾರೆ.