ಬೆಂಗಳೂರಿನ ಅನಧಿಕೃತ ಪಿಜಿಗಳ ಮೇಲೆ GBA ಗದಾಪ್ರಹಾರ: ನಿಯಮಬಾಹಿರ PGಯ ಕರೆಂಟ್-ನೀರಿನ ಸಂಪರ್ಕ ಕಟ್‌ ಮಾಡಿ ಬೀಗ ಜಡಿಯಲು ನಿರ್ಧಾರ!

ಬೆಂಗಳೂರು ಮಹಾನಗರದಲ್ಲಿ ಯಾವುದೇ ಪರವಾನಗಿ, ನಕ್ಷೆ ಅನುಮೋದನೆ ಮತ್ತು ಅಗ್ನಿ ಸುರಕ್ಷತಾ ಪ್ರಮಾಣಪತ್ರವಿಲ್ಲದೆ ಅನಧಿಕೃತವಾಗಿ ನಡೆಯುತ್ತಿರುವ ಸಾವಿರಾರು ಪೇಯಿಂಗ್‌ ಗೆಸ್ಟ್‌ ಕಟ್ಟಡಗಳ ವಿರುದ್ಧ GBA ಕಠಿಣ ಕ್ರಮಕ್ಕೆ ಮುಂದಾಗಿದೆ. ಹೈಕೋರ್ಟ್ ನಿರ್ದೇಶನದಂತೆ ಬೆಸ್ಕಾಂ ಮತ್ತು ಜಲಮಂಡಳಿ ನೆರವಿನಿಂದ ಅಕ್ರಮ ಪಿಜಿಗಳ ವಿದ್ಯುತ್ ಹಾಗೂ ನೀರಿನ ಸಂಪರ್ಕ ಕಡಿತಗೊಳಿಸಿ ಬೀಗ ಜಡಿಯಲು ನಿರ್ಧರಿಸಲಾಗಿದೆ. ಪೂರ್ವ ವಲಯವೊಂದರಲ್ಲೇ ಶೇ.50ರಷ್ಟು ಪಿಜಿಗಳು ಅಕ್ರಮವಾಗಿರುವುದು ಪತ್ತೆಯಾಗಿದ್ದು, ಪಿಜಿಯಲ್ಲಿರುವ ನಿವಾಸಿಗಳಿಗೆ ತೊಂದರೆಯಾಗದಂತೆ ಖಾಲಿ ಮಾಡಲು 15 ರಿಂದ 21 ದಿನಗಳ ಕಾಲಾವಕಾಶ ನೀಡಲು ಹೈಕೋರ್ಟ್ ಆದೇಶಿಸಿದೆ.