ಪಿ.ಎಫ್ ಹಿಂಪಡೆಯಲು ಷರತ್ತು: ವಾಪಸ್‌ಗೆ ಜಿಎಟಿಡಬ್ಲ್ಯುಯು ಆಗ್ರಹ

ಕೇಂದ್ರ ಸರ್ಕಾರ ಪಿ.ಎಫ್ ಸಂಬಂಧ ಹೊಸ ನೀತಿ ರೂಪಿಸಿರುವುದು ಗಾರ್ಮೆಂಟ್ಸ್ ಕಾರ್ಖಾನೆ ಉದ್ಯೋಗಿಗಳಿಗೆ ಮಾರಕವಾಗಿದೆ ಎಂದು ಗಾರ್ಮೆಂಟ್‌ ಆ್ಯಂಡ್‌ ಟೆಕ್ಸ್‌ಟೈಲ್‌ ವರ್ಕರ್ಸ್‌ ಯೂನಿಯನ್ (ಜಿಎಟಿಡಬ್ಲ್ಯುಯು) ಆಗ್ರಹಿಸಿದೆ. ಜಿಎಟಿಡಬ್ಲ್ಯುಯು ಅಧ್ಯಕ್ಷೆ ಆರ್.ಪ್ರತಿಭಾ ಹಾಗೂ ಸಂಘಟನಾ ಕಾರ್ಯದರ್ಶಿ ಕೆ.ಆರ್.ಜಯರಾಮ್ ಅವರು ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಮನ್ಸುಖ್ ಮಾಂಡವಿಯ ಮತ್ತು ಶೋಭಾ ಕರಂದ್ಲಾಜೆ ಅವರಿಗೆ ಮನವಿ ಸಲ್ಲಿಸಿದ್ದಾರೆ. ರಾಜೀನಾಮೆ ನೀಡಿದ ಸಂದರ್ಭದಲ್ಲಿ ಪಿ.ಎಫ್ ಖಾತೆಯ ಶೇಕಡ 75ರಷ್ಟು ಭಾಗ ಮಾತ್ರವನ್ನು ಮುಂಗಡವಾಗಿ ನೀಡಲಾಗುತ್ತದೆ. ಉಳಿದ ಶೇಕಡ 25 ಹಣವನ್ನು ಪಿ.ಎಫ್ ಖಾತೆಯಲ್ಲಿ ಉಳಿಸಿಕೊಳ್ಳಲು 12 ತಿಂಗಳು ಕಾಯಬೇಕು ಎಂದು ಅವರು ತಿಳಿಸಿದ್ದಾರೆ.