ಮಹಾರಾಣಿ ಲಕ್ಷ್ಮಿ ಅಮ್ಮಣ್ಣಿ ಕಾಲೇಜಿನಲ್ಲಿ ‘ಗಂಗಾವತರಣ’ ನಾಟಕ ಯಶಸ್ವಿ ಪ್ರದರ್ಶನ

ವರಕವಿ ದತ್ತಾತ್ರೇಯ ರಾಮಚಂದ್ರ ಬೇಂದ್ರೆಯವರ ಬದುಕಿನ ಏಳುಬೀಳು, ಸಾಹಿತ್ಯ ಸೃಷ್ಟಿಯ ಹಿಂದಿನ ಸ್ಫೂರ್ತಿ, ಮಾನವೀಯ ಮೌಲ್ಯ, ಕನ್ನಡ ಭಾಷೆ ಬಗೆಗಿನ ಅವರ ಪ್ರೀತಿ ಇತ್ಯಾದಿಗಳ ಹೂರಣವಿರುವ 'ಗಂಗಾವತರಣ' ನಾಟಕವನ್ನು ಬೆಂಗಳೂರಿನ ಮಹಾರಾಣಿ ಲಕ್ಷ್ಮಿ ಅಮ್ಮಣ್ಣಿ ಕಾಲೇಜಿನಲ್ಲಿ ಯಶಸ್ವಿಯಾಗಿ ಪ್ರದರ್ಶಿಸಲಾಯಿತು. ರಂಗ ಸೌರಭ ರಂಗತಂಡ ಅರ್ಪಿಸಿದ ಈ ನಾಟಕವನ್ನು ನಿರ್ದೇಶಿಸಿದ್ದು ಖ್ಯಾತ ರಂಗಕರ್ಮಿ ರಾಜೇಂದ್ರ ಕಾರಂತ್ ಅವರು. ಇದು ನಾಟಕದ 98ನೇ ಯಶಸ್ವಿ ಪ್ರದರ್ಶನವಾಗಿದ್ದು, ಪ್ರೇಕ್ಷಕರಿಂದ ಅಪಾರ ಮೆಚ್ಚುಗೆಗೆ ಪಾತ್ರವಾಯಿತು.