‘ಗಾಂಧಿ ಸಂತೆ’ ನಾಳೆಯಿಂದ; ಗ್ರಾಮೀಣ ಕೈ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ

ಚರಕ ಸಂಸ್ಥೆಯು ಹೊನ್ನೇಸರ ಗ್ರಾಮದ ಶ್ರಮಜೀವಿ ಆಶ್ರಮದಲ್ಲಿ ಸೆ. 26 ಮತ್ತು 27ರಂದು ‘ಗಾಂಧಿ ಸಂತೆ’ಯನ್ನು ಆಯೋಜಿಸಿದೆ. ಈ ಕಾರ್ಯಕ್ರಮದಲ್ಲಿ ರಾಜ್ಯದ ವಿವಿಧ ಭಾಗಗಳ ಗ್ರಾಮೀಣ ಕೈ ಉತ್ಪನ್ನಗಳು, ದೇಸಿ ಆಹಾರ ಮತ್ತು ಸಾವಯವ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ ನಡೆಯಲಿದೆ. 26ರಂದು ಸಂಜೆ 4 ಗಂಟೆಗೆ ಸಂತೆ ಉದ್ಘಾಟನೆಗೊಳ್ಳಲಿದ್ದು, ಕರ್ನಾಟಕದ ವಿವಿಧ ಭಾಗಗಳಿಂದ ನೇಕಾರರ ಕೊಡು–ಕೊಳ್ಳುವಿಕೆ ಸಮಾವೇಶ ನಡೆಯಲಿದೆ. ಕರಕುಶಲ, ಬಾಳೆ ನಾರಿನ ಉತ್ಪನ್ನ, ರಾಸಾಯನಿಕಮುಕ್ತ ಧಾನ್ಯಗಳು, ಮಣ್ಣಿನ ಮಡಿಕೆಗಳು, ಮತ್ತು ವಿವಿಧ ಬಟ್ಟೆ ಉತ್ಪನ್ನಗಳು ಲಭ್ಯವಿರುತ್ತವೆ.