ಹೃದಯದ ಸಮಸ್ಯೆ ಇರುವ 50 ಮಕ್ಕಳಿಗೆ ಉಚಿತ ಶಸ್ತ್ರಚಿಕಿತ್ಸೆ, ಸಂಕಲ್ಪ 2.0 ಘೋಷಣೆ

ಕಾವೇರಿ ಆಸ್ಪತ್ರೆಗಳು ಆಯೋಜಿಸಿದ್ದ ವಾರ್ಷಿಕ ಹೃದಯ ಆರೋಗ್ಯ ಜಾಗೃತಿ ಕಾರ್ಯಕ್ರಮ ಕಾವೇರಿ BEATSನ ಆರನೇ ಆವೃತ್ತಿಯಲ್ಲಿ 6,000ಕ್ಕೂ ಹೆಚ್ಚು ಬೆಂಗಳೂರಿಗರು ಭಾಗವಹಿಸಿದರು. ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ನಡೆದ 5 ಕಿ.ಮೀ. ಓಟ, ನಡಿಗೆ ಮತ್ತು ಸೈಕ್ಲಿಂಗ್ ಕಾರ್ಯಕ್ರಮದಲ್ಲಿ ಮಕ್ಕಳು, ಕುಟುಂಬಗಳು, ಉದ್ಯೋಗಿಗಳು, ಹವ್ಯಾಸಿ ಓಟಗಾರರು ಹಾಗೂ ಫಿಟ್ ನೆಸ್ ಆಸಕ್ತರು ಪಾಲ್ಗೊಂಡರು. ಈ ಕಾರ್ಯಕ್ರಮದ ಮೂಲಕ ಕಾವೇರಿ ಸಂಕಲ್ಪ 2.0ಗೆ ಬೆಂಬಲ ಒಗ್ಗೂಡಿಸಲಾಯಿತು. ಇದರ ಅಡಿಯಲ್ಲಿ, ಜನ್ಮಜಾತ ಹೃದಯ ಸಮಸ್ಯೆಯ ಶಸ್ತ್ರಚಿಕಿತ್ಸೆ ಅಗತ್ಯವಿರುವ 25 ಮಕ್ಕಳು ಮತ್ತು ಸಂಕೀರ್ಣ ಬೆನ್ನುಹುರಿ ಶಸ್ತ್ರಚಿಕಿತ್ಸೆ ಅಗತ್ಯವಿರುವ 25 ಮಕ್ಕಳಿಗೆ ಉಚಿತ ಶಸ್ತ್ರಚಿಕಿತ್ಸಾ ಬೆಂಬಲ ನೀಡಲು ಕಾರ್ಯಕ್ರಮ ರೂಪಿಸಲಾಗಿದೆ.