ನಾಲ್ವರಿಗೆ ‘ರಾಂ.ಕೆ.ಹನುಮಂತಯ್ಯ ಪುಸ್ತಕ ದತ್ತಿ ಪ್ರಶಸ್ತಿ’ ಪ್ರಕಟ

ಬುದ್ಧ ಬಸವ ಗಾಂಧಿ ಸಾಂಸ್ಕೃತಿಕ ಟ್ರಸ್ಟ್ ನೀಡುವ 2025–26ನೇ ಸಾಲಿನ ‘ರಾಂ.ಕೆ.ಹನುಮಂತಯ್ಯ ಪುಸ್ತಕ ದತ್ತಿ ಪ್ರಶಸ್ತಿ’ಗೆ ನಾಲ್ವರು ಲೇಖಕರು ಆಯ್ಕೆಯಾಗಿದ್ದಾರೆ. ಚಾಮರಾಜನಗರದ ದಿಲೀಪ್ ಎನ್‌.ಕೆ ಅವರ ‘ತಿತ್ತಿಬ್ವಾಸನ ಟೈಟಾನ್ ವಾಚು’ ಕಥಾ ಸಂಕಲನ, ಕೊಪ್ಪಳದ ಹೀರಾ ನಾಗರಾಜ್ ಅವರ ‘ಚಿನ್ನದ ನಾಡಿನ ಶರಣರು’ ಲೇಖನಗಳ ಕೃತಿ, ಹಾಸನದ ಇಂದಿರಾ ನಾಡಿಗ್ ಅವರ ‘ಹಸಿಗನಸು’ ಕಾದಂಬರಿ, ಚಿಕ್ಕಬಳ್ಳಾಪುರದ ಡಿ.ಎ.ಲಕ್ಷ್ಮೀನಾಥ್ ಅವರ ‘ಹನಿ ಹನಿ’ ಕಾವ್ಯ ಸಂಕಲನ ಪ್ರಶಸ್ತಿಗೆ ಭಾಜನವಾಗಿವೆ. ಲೇಖಕ ಪಾನ್ಯಂ ನಟರಾಜ್ ಅವರು ನೀಡುವ ‘ಸಂಸ್ಕೃತಿ ಸೇವಾ ದತ್ತಿ ಪ್ರಶಸ್ತಿ’ಗೆ ಗಾಯಕ ಆನಂದ ಮಾದಲಗೆರೆ, ಕವಯಿತ್ರಿ ಸುಮಾ ಸತೀಶ್, ಪ್ರಕಾಶಕ ಅಭಿನವ ರವಿಕುಮಾರ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಸಂಸ್ಥೆಯ ಕಾರ್ಯದರ್ಶಿ ಸಿ.ಹೇಮಾವತಿ ಸಿಸಿರಾ ತಿಳಿಸಿದ್ದಾರೆ. ಇದೇ 6ರಂದು ಸಂಜೆ 4.45ಕ್ಕೆ ಸನ್ಮಾನ್ ಹೋಟೆಲ್ ಸಭಾಂಗಣದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದೆ.