ಬೆಂಗಳೂರಿನಲ್ಲಿ 8000 ಮಕ್ಕಳಿಗೆ ಉಚಿತ ಶಿಕ್ಷಣ ನೀಡಿದ ಇಸ್ರೋದ ಮಾಜಿ ವಿಜ್ಞಾನಿ

ಬೆಂಗಳೂರಿನ ವಾಗ್ದೇವಿ ವಿಲಾಸ ಶಿಕ್ಷಣ ಸಂಸ್ಥೆಯಲ್ಲಿ ಕಳೆದ 11 ವರ್ಷಗಳಿಂದ ಸಿಬಿಎಸ್ ಪಠ್ಯಕ್ರಮದಲ್ಲಿ ಸುಮಾರು 8000 ಮಕ್ಕಳಿಗೆ ಉಚಿತ ಶಿಕ್ಷಣ ನೀಡಲಾಗಿದೆ. ಈ ಸಂಸ್ಥೆಯು ಮಾರತಹಳ್ಳಿ ಮತ್ತು ವರ್ತೂರಿನಲ್ಲಿ ನೆಲೆಗೊಂಡಿದ್ದು, ಈ ವರ್ಷವೂ 1 ರಿಂದ 10ನೇ ತರಗತಿವರೆಗೆ 800ಕ್ಕೂ ಹೆಚ್ಚು ಬಡ ಕುಟುಂಬದ ಮಕ್ಕಳಿಗೆ ಉಚಿತ ಶಿಕ್ಷಣ ನೀಡುತ್ತಿದೆ. ಹಣಕಾಸಿನ ಸ್ಥಿತಿಗತಿಯಿಂದ ಯಾವುದೇ ಮಗುವಿನ ಭವಿಷ್ಯ ನಿರ್ಧಾರವಾಗಬಾರದು ಎಂಬ ಉದ್ದೇಶದಿಂದ ಇಸ್ರೋದ ಮಾಜಿ ವಿಜ್ಞಾನಿ ಕೆ.ಹರೀಶ್ ಅವರು ಈ ಕಾರ್ಯವನ್ನು ಮುನ್ನಡೆಸಿದ್ದಾರೆ.