ಅಕ್ರಮ ಆಸ್ತಿ: ಅಬಕಾರಿ ಗಾರ್ಡ್‌, ಮಗಳಿಗೆ ಜೈಲು ಶಿಕ್ಷೆ

ಘೋಷಿತ ಆದಾಯಕ್ಕಿಂತ ಹೆಚ್ಚು ಆಸ್ತಿ ಹೊಂದಿದ ಪ್ರಕರಣದಲ್ಲಿ ಅಬಕಾರಿ ಇಲಾಖೆಯ ನಿವೃತ್ತ ಗಾರ್ಡ್ ಎಂ.ರಾಮಚಂದ್ರಪ್ಪ ಮತ್ತು ಅವರ ಮಗಳು ಆರ್.ಯುರೇಖಾಗೆ ಆರ್ಥಿಕ ಅಪರಾಧಗಳ ವಿಶೇಷ ನ್ಯಾಯಾಲಯವು ಕ್ರಮವಾಗಿ ಐದು ಮತ್ತು ಮೂರು ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ. ಜತೆಗೆ, ಮಂಜುನಾಥ್‌ಗೆ ₹5 ಲಕ್ಷ ಮತ್ತು ಯುರೇಖಾಗೆ ₹3 ಲಕ್ಷ ದಂಡ ವಿಧಿಸಿದೆ. ಇ.ಡಿ ಮಾಹಿತಿ ಪ್ರಕಾರ, ಮಂಜುನಾಥ್ ಅವರು ಇಲಾಖೆಯ ಸೇವೆಯಲ್ಲಿದ್ದಾಗ ತಮ್ಮ ಮಗಳ ಹೆಸರಿನಲ್ಲಿ ಮದ್ಯ ಮಾರಾಟ ಸನ್ನದು ಪಡೆದುಕೊಂಡು, ವಸೂಲಿ ಮಾಡಿದ ಲಂಚವನ್ನು ಮಗಳ ಖಾತೆಗೆ ಜಮೆ ಮಾಡಿಸಿಕೊಂಡಿದ್ದರು. ಈ ತನಿಖೆಯಲ್ಲಿ ಅವರು ಘೋಷಿತ ಆದಾಯಕ್ಕಿಂತ ₹42.48 ಲಕ್ಷ ಅಕ್ರಮ ಆಸ್ತಿ ಹೊಂದಿರುವುದು ಪತ್ತೆಯಾಗಿತ್ತು.