ಬೆಂಗಳೂರು ಕಂಪನಿಯಲ್ಲಿ ₹5000 ಕೋಟಿ ಕ್ರಿಪ್ಟೋ ಅಕ್ರಮ: ನೋಂದಣಿಯಿಲ್ಲದೆ ವಹಿವಾಟು

ಬೆಂಗಳೂರಿನ RPF AS ಟೆಕ್ನಾಲಜೀಸ್ ಲಿಮಿಟೆಡ್ ಎಂಬ ಕಂಪನಿಯೊಂದು ಅಕ್ರಮವಾಗಿ 5 ಸಾವಿರ ಕೋಟಿ ರು.ಗಳಷ್ಟು ಕ್ರಿಪ್ಟೋಕರೆನ್ಸಿ ವಹಿವಾಟು ನಡೆಸಿರುವುದನ್ನು ಜಾರಿ ನಿರ್ದೇಶನಾಲಯದ (ಇ.ಡಿ) ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ. ಈ ಕಂಪನಿಯು 2018ರಿಂದ ಮಡ್ ರೆಕ್ಸ್ ಮತ್ತು ಸೇಬರ್.ಮನಿ ಎಂಬ ಕ್ರಿಪ್ಟೋಕರೆನ್ಸಿ ವಹಿವಾಟು ನಡೆಸುತ್ತಿತ್ತು ಎಂದು ಇ.ಡಿ ಅಧಿಕಾರಿಗಳು ತಿಳಿಸಿದ್ದಾರೆ. ಕ್ರಿಪ್ಟೋ ವಹಿವಾಟು ನಡೆಸಲು ಈ ಕಂಪನಿಯು ಆರ್ ಬಿಐ ನಿಯಮದಂತೆ ನೋಂದಣಿ ಮಾಡಿಕೊಂಡಿಲ್ಲ ಎಂದು ಇ.ಡಿ ಪ್ರಕಟಣೆ ತಿಳಿಸಿದೆ.