ಯುದ್ಧ ಮತ್ತು ಸಾಗಣೆ ವೆಚ್ಚದ ಪರಿಣಾಮದಿಂದ ಬೆಂಗಳೂರಿನಲ್ಲಿ ಒಣಹಣ್ಣುಗಳ ಬೆಲೆ ಏರಿಕೆ

ಅಮೆರಿಕ, ಇರಾನ್ ಮತ್ತು ಇಸ್ರೇಲ್ ನಡುವಿನ ಯುದ್ಧ ಹಾಗೂ ಸೌದಿ ಅರೇಬಿಯಾ ಮೇಲಿನ ಹೌತಿಗಳ ದಾಳಿಯ ಪರಿಣಾಮ ಬೆಂಗಳೂರಿನಲ್ಲಿ ಒಣಹಣ್ಣುಗಳ ಬೆಲೆ ಮತ್ತೆ ಏರಿಕೆಯಾಗಿದೆ. ಬೆಲೆ ಏರಿಕೆಯಿಂದ ವ್ಯಾಪಾರ ವಹಿವಾಟಿನ ಮೇಲೂ ಪರಿಣಾಮ ಬೀರಿದ್ದು, ಗ್ರಾಹಕರು ದುಬಾರಿ ದರಕ್ಕೆ ಒಣಹಣ್ಣುಗಳನ್ನು ಖರೀದಿಸಲು ಹಿಂದೇಟು ಹಾಕುತ್ತಿದ್ದಾರೆ. ಕೆ.ಜಿ.ಗೆ 1,800 ರೂ. ಇದ್ದ ಸಾಮಾನ್ಯ ಪಿಸ್ತಾ ಬೆಲೆ ಈಗ 2,800 ರೂ.ಗೆ ಏರಿಕೆಯಾಗಿದೆ ಮತ್ತು ಮಮ್ರಾ ಬಾದಾಮಿ ಬೆಲೆ 2,500 ರೂ.ದಿಂದ 4,000 ರೂ. ತಲುಪಿದೆ.