ಡಾ. ಕಸ್ತೂರಿ ರಂಗನ್ ಫೆಲೋಶಿಪ್ ಸ್ಥಾಪನೆ

ದೇಶದ ಯುವ ಸಂಶೋಧಕರಿಗೆ ಪ್ರೋತ್ಸಾಹ ನೀಡಲು ಡಾ.ಕಸ್ತೂರಿ ರಂಗನ್ ಟ್ರಸ್ಟ್ ಸ್ಥಾಪಿಸಲಾಗಿದ್ದು, ಆರು ಮಂದಿಗೆ ತಲಾ ₹4 ಲಕ್ಷ ಮೊತ್ತದ ಫೆಲೋಶಿಪ್‌ ನೀಡಲಾಗುತ್ತಿದೆ ಎಂದು ಟ್ರಸ್ಟಿ ಸಂಜಯ್‌ ರಂಗನ್ ತಿಳಿಸಿದರು. ಸೋಮವಾರ ಬೆಂಗಳೂರಿನಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬಾಹ್ಯಾಕಾಶ ವಿಜ್ಞಾನ ಮತ್ತು ತಂತ್ರಜ್ಞಾನ, ಪರಿಸರ ಮತ್ತು ಸುಸ್ಥಿರತೆ, ಶಿಕ್ಷಣ ಹಾಗೂ ಸಾರ್ವಜನಿಕ ನೀತಿ ವಿಷಯಗಳಲ್ಲಿ ಸಂಶೋಧನೆ ನಡೆಸುವವರಿಗೆ ಪೋಸ್ಟ್ ಡಾಕ್ಟೊರಲ್ ಫೆಲೋಶಿಪ್ ಸಿಗಲಿದೆ ಎಂದರು. ಅರ್ಜಿ ಆಹ್ವಾನ ಪ್ರಕ್ರಿಯೆ ಇಂದಿನಿಂದ (ಅ.27) ಆರಂಭವಾಗಿದ್ದು, ಡಿಸೆಂಬರ್ 31 ಕೊನೆಯ ದಿನವಾಗಿದೆ. ಆಯ್ಕೆಯಾದವರ ಹೆಸರನ್ನು 2027ರ ಏಪ್ರಿಲ್ 25ರಂದು ಪ್ರಕಟಿಸಲಾಗುತ್ತದೆ.