ಕರ್ನಾಟಕದಾದ್ಯಂತ ಎಲ್‌ಪಿಜಿ ಸಿಲಿಂಡರ್ ತೂಕದಲ್ಲಿ ವ್ಯತ್ಯಾಸ, ಶೇ. 25 ಸಿಲಿಂಡರ್‌ಗಳಲ್ಲಿ ಗ್ಯಾಸ್ ಕಡಿತ ಪತ್ತೆ

ಗ್ರಾಹಕರ ಹಿತಾಸಕ್ತಿ ರಕ್ಷಣೆಗಾಗಿ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆಯು 'ಮಿಷನ್ ನಿಖಾರಾ' ಅಭಿಯಾನದಡಿ ರಾಜ್ಯಾದ್ಯಂತ ಎಲ್‌ ಪಿಜಿ ಘಟಕಗಳ ಮೇಲೆ ತಪಾಸಣೆ ನಡೆಸಿತು. ಸೆಪ್ಟೆಂಬರ್ 24ರ ಕಾರ್ಯಾಚರಣೆಯ ವೇಳೆ, 17 ಎಲ್‌ ಪಿಜಿ ಬಾಟ್ಲಿಂಗ್ ಘಟಕಗಳಲ್ಲಿ ತಪಾಸಣೆಗೊಂಡ 382 ಸಿಲಿಂಡರ್‌ಗಳಲ್ಲಿ 25% ಕಡಿಮೆ ಅನಿಲ ಹೊಂದಿರುವ ಬಗ್ಗೆ ವ್ಯತ್ಯಾಸ ಕಂಡುಬಂದಿದೆ. ಈ ಕಾರ್ಯಾಚರಣೆಯ ವೇಳೆ ನಿಯಮ ಉಲ್ಲಂಘನೆಗಾಗಿ 3 ಪ್ರಕರಣ ದಾಖಲಿಸಿ, ಒಟ್ಟು ₹79,000 ದಂಡ ವಿಧಿಸಲಾಗಿದೆ.