ವಿದ್ಯಾನಗರದಲ್ಲಿ 33ನೇ ವರ್ಷದ 'ಬ್ಯಾಲನ್ಸಿಂಗ್ ಗಣಪತಿ' ವಿಗ್ರಹದ ದರ್ಶನಕ್ಕೆ ಭಕ್ತರು

ಹಿಂದೂ ಮಹಾಸಭಾ ವತಿಯಿಂದ ವಿದ್ಯಾನಗರದಲ್ಲಿ ಪ್ರತಿಷ್ಠಾಪಿಸಲಾದ 33ನೇ ವರ್ಷದ 'ಬ್ಯಾಲನ್ಸಿಂಗ್ ಗಣಪತಿ' ವಿಗ್ರಹದ ದರ್ಶನಕ್ಕೆ ಪ್ರತಿದಿನ ನೂರಾರು ಜನರು ಆಗಮಿಸುತ್ತಿದ್ದಾರೆ. ಬೆಂಗಳೂರಿನ ಕಲಾವಿದರೊಬ್ಬರು 12 ಅಡಿಗಿಂತ ಎತ್ತರವಿರುವ ಏಕದಂತನನ್ನು ವಿಶೇಷವಾಗಿ ನಿರ್ಮಿಸಿದ್ದಾರೆ. ಅ.12ರಂದು ಮಧ್ಯಾಹ್ನ 2 ಗಂಟೆಯಿಂದ ಏಕದಂತನನ್ನು ಬೃಹತ್ ಶೋಭಾ ಯಾತ್ರೆಯ ಮೂಲಕ ಸಕಲ ವಾದ್ಯ ವೈಭವಗಳೊಂದಿಗೆ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಾಗಿಸಲಾಗುತ್ತದೆ. ಸೆ.29ರಂದು ಮಧ್ಯಾಹ್ನ 3 ಗಂಟೆಗೆ ಸಂಗೀತ ರಸ ಮಂಜರಿ ಕಾರ್ಯಕ್ರಮ ಆಯೋಜಿಸಲಾಗಿದ್ದು, ಅ.8 ರಂದು ಮಧ್ಯಾಹ್ನ ಮಹಾ ಪ್ರಸಾದ ನೆರವೇರಿಸಲಾಗುತ್ತದೆ.