ಬೆಂಗಳೂರಿನ ರೈತ ಉತ್ಪಾದಕ ಕಂಪನಿಗಳಿಗೆ ತರಬೇತಿ ನಂತರ ಪದವಿ ಪ್ರಮಾಣಪತ್ರ ವಿತರಣೆ

ಕೃಷಿಕಲ್ಪ ಸಂಸ್ಥೆಯ ರೈತ ಉತ್ಪಾದಕ ಕಂಪನಿಗಳ ತರಬೇತಿ ಕಾರ್ಯಕ್ರಮದಲ್ಲಿ ತರಬೇತಿ ಪೂರೈಸಿದ ರೈತ ಉತ್ಪಾದಕ ಕಂಪನಿಗಳಿಗೆ ಪದವಿ ಪ್ರಮಾಣಪತ್ರ ವಿತರಿಸಲಾಯಿತು. ಈ ಸಂದರ್ಭದಲ್ಲಿ, ಜ್ಯೋತಿ ಲ್ಯಾಬ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಉಲ್ಲಾಸ ಕಾಮತ್ ಅವರು, 'ಅನ್ನ ಇ-ಮೇಲ್‌ನಲ್ಲಿ ಬೇಯುವುದಿಲ್ಲ, ಭೂಮಿಯಲ್ಲಿ ಬಿತ್ತಿ ಬೆಳೆಯುವ ತಾಳ್ಮೆ ಯುವ ಪೀಳಿಗೆಗೆ ಇರಬೇಕು. ರೈತ ಸಮೂಹ ಕಾರ್ಪೋರೇಟ್ ವ್ಯವಹಾರದಂತಲ್ಲ, ಇದು ನಂಬಿಕೆ ಆಧಾರದಲ್ಲಿ ನಡೆಯುವ ಕ್ಷೇತ್ರ. ರೈತ ಕೇವಲ ರೈತನಾಗಿ ಅಲ್ಲ, ರೈತ ಉದ್ಯಮಿಯಾಗಿ ಮುನ್ನಡೆಯಬೇಕು' ಎಂದು ಹೇಳಿದರು. ಕೃಷಿ ತಂತ್ರಜ್ಞಾನ ಸಂಸ್ಥೆಯ ಅಧ್ಯಕ್ಷ ಎ.ಬಿ. ಪಾಟೀಲ್ ಅವರು, 'ಐದು ಕೋಟಿ ವ್ಯವಹಾರ ಮಾಡಿದ ಕಂಪನಿಗಳಿಗೆ ಪದವಿ ಪ್ರದಾನ ಮಾಡಿದಂತೆ, ₹10 ಕೋಟಿ ವ್ಯವಹಾರ ಮಾಡಿದವರಿಗೆ ಸ್ನಾತಕೋತ್ತರ ಪದವಿ ನೀಡಿ' ಎಂದರು.