ಜಿಯೊ-ಟ್ಯಾಗ್‌ ಮೂಲಕ ಹಾಜರಾತಿ ದಾಖಲಿಸಲು ಸೆ.30ರವರೆಗೆ ಗಡುವು

ಹಲವು ಸರ್ಕಾರಿ ಶಾಲೆಗಳ ಶಿಕ್ಷಕರು, ಅಧ್ಯಾಪಕರು ಹಾಗೂ ಬೋಧಕೇತರ ಸಿಬ್ಬಂದಿ ಜಿಯೊ-ಟ್ಯಾಗ್‌ ಮೂಲಕ ಹಾಜರಾತಿ ದಾಖಲಿಸಲು ಶಾಲಾ ಶಿಕ್ಷಣ ಹಾಗೂ ಉನ್ನತ ಇಲಾಖೆ ಸೆ.30ರವರೆಗೆ ಗಡುವು ನೀಡಿವೆ. ನಿಗದಿತ ಅವಧಿಯ ಒಳಗೆ ದಾಖಲಿಸದಿದ್ದರೆ ವೇತನ ಪಾವತಿ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಎರಡೂ ಇಲಾಖೆಗಳು ಪ್ರತ್ಯೇಕ ಸುತ್ತೋಲೆಯಲ್ಲಿ ಹೇಳಿವೆ. ಪ್ರಸಕ್ತ ವರ್ಷದಿಂದ ಎಲ್ಲ ಸರ್ಕಾರಿ ನೌಕರರಿಗೂ ‘ಕರ್ತವ್ಯ–ಕೆಎಎಂಎಸ್‌’ ಮೂಲಕ ಹಾಜರಾತಿ ದಾಖಲಿಸುವುದು ಕಡ್ಡಾಯವಾಗಿದೆ. ಕೃತಕ ಬುದ್ಧಿಮತ್ತೆ (ಎಐ) ಆಧಾರಿತ ಮೊಬೈಲ್‌ ಆ್ಯಪ್‌ ಮೂಲಕ ಹಾಜರಾತಿ ದಾಖಲಿಸಲಾಗುತ್ತಿದೆ.