ಬೆಂಗಳೂರಿನಲ್ಲಿ ಸೌದಿ ಖರ್ಜೂರ, ಡ್ರೈಫ್ರೂಟ್ಸ್‌ ಬೆಲೆ ಏರಿಕೆ

ಪಶ್ಚಿಮ ಏಷ್ಯಾದಲ್ಲಿ ಹೆಚ್ಚುತ್ತಿರುವ ಸಂಘರ್ಷದ ಪರಿಣಾಮ ಬೆಂಗಳೂರಿನ ವ್ಯಾಪಾರದ ಮೇಲೆ ಬೀಳುತ್ತಿದ್ದು, ಸೌದಿ ಖರ್ಜೂರ, ಜಮ್ ಜಮ್ ನೀರು ಸೇರಿದಂತೆ ಕೆಲವು ಆಹಾರ ಉತ್ಪನ್ನಗಳ ಬೆಲೆ ಏರಿಕೆಯಾಗಿದೆ ಎಂದು ವ್ಯಾಪಾರಿಗಳು ತಿಳಿಸಿದ್ದಾರೆ. ಶಿವಾಜಿನಗರದ ಕೆ.ಎಚ್. ಪನ್ಸಾರಿ ಮಳಿಗೆ ಮಾಲೀಕ ಅಬ್ದುಲ್ ಹಮೀದ್ ಅವರ ಪ್ರಕಾರ, ಸೌದಿ ಅರೇಬಿಯಾದಿಂದ ಆಮದಾಗುವ ಕೆಲವು ಪ್ರಮುಖ ಖರ್ಜೂರಗಳ ಬೆಲೆ ಪ್ರತಿ ಕೆಜಿಗೆ ಸುಮಾರು ₹100 ಹೆಚ್ಚಾಗಿದೆ. ಹಿಂದೆ 5 ಲೀಟರ್ ಜಮ್ ಜಮ್ ನೀರಿನ ಕ್ಯಾನ್ ಸುಮಾರು ₹1,500ಕ್ಕೆ ಮಾರಾಟವಾಗುತ್ತಿದ್ದರೆ, ಇದೀಗ ಅದರ ಬೆಲೆ ₹2,200ಕ್ಕೆ ಏರಿಕೆಯಾಗಿದೆ.