ಬೆಂಗಳೂರಿನ ಸಮಾವೇಶದಲ್ಲಿ ದತ್ತಾಂಶ ಸುರಕ್ಷತೆ, ಜವಾಬ್ದಾರಿಯುತ AI ಬಳಕೆಯ ಕುರಿತು ಚರ್ಚೆ

ಬೆಂಗಳೂರಿನಲ್ಲಿ ನಡೆದ ಸಮಾವೇಶದಲ್ಲಿ 250 ನವೋದ್ಯಮಿಗಳು ಮತ್ತು 35 ಹೂಡಿಕೆ ಸಂಸ್ಥೆಗಳ ಪ್ರತಿನಿಧಿಗಳು ದತ್ತಾಂಶ ಗೌಪ್ಯತೆ, ಸೈಬರ್ ಸುರಕ್ಷತೆ ಮತ್ತು ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನದ ಜವಾಬ್ದಾರಿಯುತ ಬಳಕೆಯ ಕುರಿತು ಚರ್ಚಿಸಿದರು. ಉದ್ಯಮಿ ಶರತ್ ಶ್ಯಾಮ್‌ಸುಂದರ್ ಸಮಾವೇಶವನ್ನು ಉದ್ಘಾಟಿಸಿ, ದತ್ತಾಂಶ ರಕ್ಷಣೆಯು ಕೇವಲ ಮಾಹಿತಿಯನ್ನು ರಕ್ಷಿಸುವುದಲ್ಲ, ಜನರನ್ನು ರಕ್ಷಿಸುವುದಾಗಿದೆ ಎಂದು ಹೇಳಿದರು. ಡಿಜಿಟಲ್ ವೈಯಕ್ತಿಕ ದತ್ತಾಂಶ ಸಂರಕ್ಷಣಾ ಕಾಯ್ದೆಯಡಿ ಸಮ್ಮತಿ ನಿರ್ವಹಣಾ ವ್ಯವಸ್ಥೆಗೆ ಸಂಬಂಧಿಸಿದ ನಿಯಮಗಳು ನ.13ರಿಂದ ಜಾರಿಗೆ ಬರಲಿವೆ ಎಂದೂ ಅವರು ತಿಳಿಸಿದರು.