ಕೆಂಪೇಗೌಡ ವಿಮಾನ ನಿಲ್ದಾಣದಲ್ಲಿ ದಸರಾ ವೈಭವ: ಅಕ್ಟೋಬರ್ 12-17ರವರೆಗೆ ಟರ್ಮಿನಲ್ 1, 2ರಲ್ಲಿ ನಾಡಿನ ಸಂಸ್ಕೃತಿ ಬಿಂಬಿಸುವ ವಿಶೇಷ ಕಾರ್ಯಕ್ರಮ!

ದೇವನಹಳ್ಳಿಯ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಅಕ್ಟೋಬರ್ 12 ರಿಂದ 17 ರವರೆಗೆ ಕರ್ನಾಟಕದ ಸಂಸ್ಕೃತಿ ಮತ್ತು ಪರಂಪರೆ ಬಿಂಬಿಸುವ ವಿಶೇಷ ಕಾರ್ಯಕ್ರಮಗಳಿಗೆ ಚಾಲನೆ ನೀಡಲಾಗಿದೆ. ಟರ್ಮಿನಲ್-1 ಮತ್ತು 2ರಲ್ಲಿ ದಸರಾ ಅಲಂಕಾರದೊಂದಿಗೆ ಸಂಭ್ರಮ ಕಳೆಗಿದೆ. 'ಫೀಲ್ಸ್ ಲೈಕ್ ಬಿಎಲ್‌ಆರ್' ಅಡಿಯಲ್ಲಿ ಪದ್ಮಶ್ರೀ ಪುರಸ್ಕೃತೆ ಅನುಪಮಾ ಹೊಸ್ಕೆರೆ ಅವರ ಬೃಹತ್ ಗೊಂಬೆ ಪ್ರದರ್ಶನ, ಗುಂಡುರಾಜು ಅವರ 200 ವರ್ಷಗಳಷ್ಟು ಹಳೆಯ ತೊಗಲು ಗೊಂಬೆಯಾಟ ಹಾಗೂ ಚನ್ನಪಟ್ಟಣ ಗೊಂಬೆಗಳ ಕರಕುಶಲ ಕಾರ್ಯಾಗಾರಗಳನ್ನು ಹಮ್ಮಿಕೊಳ್ಳಲಾಗಿದೆ.