ಆಕರ್ಷಕ ಸ್ಥಳವನ್ನಾಗಿ ಅಭಿವೃದ್ಧಿಪಡಿಸಲು ಅಂಬರೀಷ್ ರಸ್ತೆಗೆ ಸಮಗ್ರ ಯೋಜನೆ

ಎಂ.ಎಚ್. ಅಂಬರೀಷ್ ರಸ್ತೆಯನ್ನು (ರೇಸ್ ಕೋರ್ಸ್ ರಸ್ತೆ) ಆಕರ್ಷಕ ಸ್ಥಳವನ್ನಾಗಿ ಅಭಿವೃದ್ಧಿಪಡಿಸಲು ಜಿಬಿಎ ಮುಖ್ಯ ಆಯುಕ್ತ ಮಹೇಶ್ವರ್ ರಾವ್ ಅಧಿಕಾರಿಗಳಿಗೆ ಸೂಚಿಸಿದರು. ಮೌರ್ಯ ಜಂಕ್ಷನ್ ಬಳಿಯ ರೇಸ್ ಕೋರ್ಸ್ ಭಾಗದಲ್ಲಿ ಸಾಕಷ್ಟು ಸ್ಥಳಾವಕಾಶವಿದ್ದು, ಅಲ್ಲಿ ಸಾರ್ವಜನಿಕರಿಗೆ ಅನುಕೂಲವಾಗುವಂತೆ ‘ಪಬ್ಲಿಕ್ ಸ್ಪೇಸ್’ ನಿರ್ಮಿಸಿ ಹಸಿರು ಕಾರಿಡಾರ್ ಅಭಿವೃದ್ಧಿಪಡಿಸಲು ಅವರು ಹೇಳಿದರು. ರಸ್ತೆಯ ಉದ್ದಕ್ಕೂ ಆಕರ್ಷಕ ಬೀದಿ ದೀಪಗಳನ್ನು ಅಳವಡಿಸುವುದು, ಸಸಿಗಳನ್ನು ನೆಡುವುದು ಮತ್ತು ಆಸನಗಳ ವ್ಯವಸ್ಥೆ ಮಾಡಬೇಕು ಎಂದು ನಿರ್ದೇಶನ ನೀಡಿದರು.