ಕಾಮೆಡ್-ಕೆ ಪರೀಕ್ಷೆ|ಅಕ್ರಮ ತಡೆಗೆ ಯತ್ನ: ಸೈಬರ್ ಭದ್ರತಾ ತಜ್ಞರ ನೇಮಿಸಲು ನಿರ್ಧಾರ

ಮುಂದಿನ ವರ್ಷದ ಪರೀಕ್ಷೆಯಲ್ಲಿ ಅಕ್ರಮಗಳನ್ನು ತಡೆಯಲು ವೈದ್ಯಕೀಯ, ಎಂಜಿನಿಯರಿಂಗ್ ಮತ್ತು ದಂತ ವೈದ್ಯಕೀಯ ಕಾಲೇಜುಗಳ ಒಕ್ಕೂಟವು (ಕಾಮೆಡ್‌–ಕೆ) ಮೂವರು ಸೈಬರ್ ಭದ್ರತಾ ತಜ್ಞರನ್ನು ನೇಮಿಸಿಕೊಳ್ಳಲಿದೆ. ಜಾರ್ಖಂಡ್‌ನ ಜಮ್‌ಷೆಡ್‌ಪುರದ ಕೆಲವು ಕೇಂದ್ರಗಳಲ್ಲಿ ಪ್ರವೇಶ ಪರೀಕ್ಷೆಯಲ್ಲಿ ಅಕ್ರಮಗಳು ವರದಿಯ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ವಿದ್ಯಾರ್ಥಿಗಳಿಗೆ ಭಾವನಾತ್ಮಕ ಬೆಂಬಲ ನೀಡಲು ಕಾಮೆಡ್‌–ಕೆ ‘ಸ್ನೇಹ ಸೊಸೈಟಿ ಫಾರ್ ಕೌನ್ಸೆಲಿಂಗ್’ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ಶಾಲಾ ಮಕ್ಕಳಿಗೆ ವೃತ್ತಿಜೀವನ ಮಾರ್ಗದರ್ಶನ ನೀಡುವ ‘ಮಾರ್ಗ್’ ಸಂಸ್ಥೆಯೊಂದಿಗೂ ಕೈಜೋಡಿಸಲಾಗಿದೆ.