ಸಿಎಂಆರ್ ವಿಶ್ವವಿದ್ಯಾಲಯದಲ್ಲಿ 7ನೇ ರಾಷ್ಟ್ರೀಯ ಕಲಾ ಶಿಬಿರ 'ಬ್ರಷಸ್ ಅಂಡ್ ಬಿಯಾಂಡ್ 2026'ಕ್ಕೆ ಚಾಲನೆ

ಬೆಂಗಳೂರಿನ ಸಿಎಂಆರ್ ವಿಶ್ವವಿದ್ಯಾಲಯದ ಲೇಕ್‌ಸೈಡ್ ಕ್ಯಾಂಪಸ್‌ನಲ್ಲಿ 7ನೇ ಸಿಎಂಆರ್ ರಾಷ್ಟ್ರೀಯ ಕಲಾ ಶಿಬಿರ 'ಬ್ರಷಸ್ ಅಂಡ್ ಬಿಯಾಂಡ್ 2026'ಕ್ಕೆ ಚಾಲನೆ ನೀಡಲಾಯಿತು. ದೇಶದ ವೈವಿಧ್ಯಮಯ ಕಲಾ ಪರಂಪರೆ ಮತ್ತು ಸಮಕಾಲೀನ ಕಲಾ ಅಭಿವ್ಯಕ್ತಿಗೆ ಪ್ರೋತ್ಸಾಹ ನೀಡಲು ಸಿಎಂಆರ್ ಸಮೂಹ ಶಿಕ್ಷಣ ಸಂಸ್ಥೆಗಳು 12 ದಿನಗಳ ಶಿಬಿರವನ್ನು ಆಯೋಜಿಸಿವೆ. ಚಿತ್ರಕಲೆ, ಶಿಲ್ಪಕಲೆ, ವುಡ್‌ಕಟ್ ಮುದ್ರಣ, ಮಿಶ್ರ ಮಾಧ್ಯಮ ಹಾಗೂ ಜವಳಿ ಕಲೆ ಸೇರಿದಂತೆ ಹಲವು ಪ್ರಕಾರಗಳಲ್ಲಿ 17 ಪ್ರಖ್ಯಾತ ಕಲಾವಿದರು ಭಾಗವಹಿಸಿದ್ದಾರೆ. ಈ ಶಿಬಿರ ಅಕ್ಟೋಬರ್ 12ರವರೆಗೆ ನಡೆಯಲಿದೆ.