ಬೆಂಗಳೂರಿನಲ್ಲಿ ರಾಕೆಟ್ ಪಟಾಕಿ ಬಾಲಕನ ಕಣ್ಣಿಗೆ ಗಾಯ

ಬೆಂಗಳೂರಿನ ಸೋಮೇಶ್ವರ ಬಡಾವಣೆಯಲ್ಲಿ ಯಾರೋ ಹಚ್ಚಿದ ರಾಕೆಟ್ ಪಟಾಕಿ ಬಾಲಕನೊಬ್ಬನ ಕಣ್ಣಿಗೆ ಬಡಿದಿದ್ದು, ಬಾಲಕನ ಕಣ್ಣಿಗೆ ಗಂಭೀರವಾಗಿ ಗಾಯವಾಗಿದೆ. ಬಡಾವಣೆ ಸುಜನ್ (12) ಗಾಯಗೊಂಡ ಬಾಲಕ. ರಾಕೆಟ್ ಪಟಾಕಿ ಕಣ್ಣಿಗೆ ಬಡಿದ ಪರಿಣಾಮ ಬಾಲಕನ ಬಲಗಣ್ಣಿನ ದೃಷ್ಟಿಗೆ ಶೇ 80ರಷ್ಟು ಹಾನಿಯಾಗಿದೆ. ಗಾಯಗೊಂಡಿರುವ ಬಾಲಕನನ್ನು ಬೆಂಗಳೂರಿನ ಮಿಂಟೋ ಕಣ್ಣಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ. ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿದರೂ ಕಣ್ಣಿನ ದೃಷ್ಟಿ ಸಂಪೂರ್ಣವಾಗಿ ಮರಳುವ ಸಾಧ್ಯತೆ ಕಡಿಮೆ ಎಂದು ಪೋಷಕರಲ್ಲಿ ಆತಂಕ ಮೂಡಿಸಿದೆ.