ಬೆಂಗಳೂರಿನ ನಾಟಕ ಪ್ರದರ್ಶನಕ್ಕೆ ಸೆನ್ಸಾರ್ ಬಗ್ಗೆ ಆಕ್ಷೇಪ; ಕಲಾಭವನಗಳಿಗೆ ಪೊಲೀಸರಿಂದ ನೋಟಿಸ್

ರಾಜ್ಯ ಸರ್ಕಾರವು ನಾಟಕ ಪ್ರದರ್ಶನಕ್ಕೆ ಸೆನ್ಸಾರ್ ವಿಧಿಸಲು ಮುಂದಾಗಿರುವುದಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ. ನಗರದ ವಿವಿಧ ಕಲಾಭವನ, ರಂಗಮಂದಿರದ ವ್ಯವಸ್ಥಾಪಕರಿಗೆ ಪೊಲೀಸರು ನೋಟಿಸ್ ನೀಡಿ, ಪ್ರದರ್ಶನವಾಗುವ ನಾಟಕಗಳ ಕುರಿತು ಮಾಹಿತಿ ಸಲ್ಲಿಸುವಂತೆ ಸೂಚಿಸಿದ್ದಾರೆ. ನೋಟಿಸ್‌ನಲ್ಲಿ ನಾಟಕದ ಕಥಾವಸ್ತು, ಸಂಭಾಷಣೆ, ಉದ್ದೇಶ, ಸಂದೇಶ, ದಿನಾಂಕ, ಸ್ಥಳ, ಸಮಯದ ಜೊತೆಗೆ ನಿರ್ದೇಶಕ, ನಿರ್ಮಾಪಕ ಮತ್ತು ಆಯೋಜಕರ ವಿವರಗಳನ್ನು ಒದಗಿಸುವಂತೆ ಕೋರಲಾಗಿದೆ.