ಇಂಡಿ ದೇಸಾಯಿ ಶಾಲೆಯಲ್ಲಿ ಸಿಬಿಎಸ್ಇ ಕಾರ್ಯಾಗಾರ ಯಶಸ್ವಿ

ನಗರದ ದೇಸಾಯಿ ಇಂಟರ್‌ ನ್ಯಾಷನಲ್ ಶಾಲೆಯಲ್ಲಿ (ಸಿಬಿಎಸ್ಇ) ಸಿಬಿಎಸ್ಇ - ಸಿಒಇ ಬೆಂಗಳೂರು ಸಹಯೋಗದೊಂದಿಗೆ ಪ್ರಾದೇಶಿಕ ಸಾಮರ್ಥ್ಯ ವರ್ಧನಾ ಕಾರ್ಯಾಗಾರ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಚಿಕ್ಕೋಡಿಯ ಸಿ.ಟಿ.ಇ. ಸೊಸೈಟಿಯ ಪಬ್ಲಿಕ್ ಶಾಲೆಯ ಅನಿತಾ ಪಿ. ಜೋಶಿ ಮತ್ತು ಬೆಳಗಾವಿಯ ಲವ್ ಡೇಲ್ ಸೆಂಟ್ರಲ್ ಶಾಲೆಯ ಅನುಬ್ರತಾ ಮಿತ್ರ ಅವರು ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿ, ಎಸ್.ಟಿ.ಇ.ಎಂ. ಶಿಕ್ಷಣದ ನೂತನ ಪ್ರಾಯೋಗಿಕ ಬೋಧನಾ ವಿಧಾನಗಳ ಕುರಿತು ಶಿಕ್ಷಕರಿಗೆ ವಿಸ್ತೃತ ತರಬೇತಿ ನೀಡಿದರು.