ಆಯುಧ ಪೂಜೆಯ ಸಂದರ್ಭದಲ್ಲಿ ಕಾವೇರಿ ನೀರು ದುರ್ಬಳಕೆ ಮಾಡಿದರೆ ೫ ಸಾವಿರ ರೂ. ದಂಡದ ಎಚ್ಚರಿಕೆ

ಆಯುಧ ಪೂಜೆಯ ಸಂದರ್ಭದಲ್ಲಿ ವಾಹನಗಳನ್ನು ತೊಳೆಯಲು ಕಾವೇರಿ ನೀರು ದುರ್ಬಳಕೆ ಮಾಡಿದರೆ ೫ ಸಾವಿರ ರೂ. ದಂಡ ವಿಧಿಸುವ ಎಚ್ಚರಿಕೆ ಜಲಮಂಡಳಿ ನೀಡಿದೆ. ಬೈಕ್‌ಗಳು ಮತ್ತು ಕಾರುಗಳನ್ನು ತೊಳೆಯಲು ಕಾವೇರಿ ನೀರು ಬಳಸುವಂತಿಲ್ಲ ಎಂದು ಸರ್ಕಾರ ಕಟ್ಟುನಿಟ್ಟಿನ ಆದೇಶ ಹೊರಡಿಸಿದೆ. ವಾಹನ ತೊಳೆಯುವುದು ಅಥವಾ ಕಟ್ಟಡ ನಿರ್ಮಾಣ ಸೇರಿದಂತೆ ಕಾವೇರಿ ನೀರ ಯಾವುದೇ ದುರ್ಬಳಕೆ ಕಂಡುಬಂದರೆ ದಂಡ ವಿಧಿಸಲಾಗುತ್ತದೆ. ಕಾಯ್ದೆ ೧೯೬೪ರ ಕಲಂ ೧೦೯ ರಂತೆ ಉಲ್ಲಂಘನೆಗೆ ೫ ಸಾವಿರ ರೂ. ದಂಡ ಮತ್ತು ಪುನರಾವರ್ತಿತ ಉಲ್ಲಂಘನೆಗೆ ಹೆಚ್ಚುವರಿಯಾಗಿ ೫೦೦ ರೂ. ದಂಡ ವಿಧಿಸುವ ಅವಕಾಶವಿದೆ.