ಬಿಡಬ್ಲ್ಯುಎಸ್ಎಸ್ಬಿ ನಿರ್ದೇಶಕರು ಬೆಂಗಳೂರಿನ 148 ಎಂಎಲ್ಡಿ ಸಾಮರ್ಥ್ಯದ ಎಸ್ ಟಿಪಿ ಯೋಜನೆಗಳನ್ನು ತ್ವರಿತಗೊಳಿಸಲು ಸೂಚನೆ

ವಿಶ್ವ ಬ್ಯಾಂಕ್ ನೆರವಿನಿಂದ ಬೆಂಗಳೂರಿನ ವಿವಿಧೆಡೆ ನಿರ್ಮಾಣವಾಗುತ್ತಿರುವ ಒಟ್ಟು 148 ಎಂಎಲ್ಡಿ ಸಾಮರ್ಥ್ಯದ 9 ತ್ಯಾಜ್ಯ ನೀರು ಸಂಸ್ಕರಣಾ ಘಟಕಗಳ (ಎಸ್ ಟಿಪಿ) ಕಾಮಗಾರಿಗಳನ್ನು ಚುರುಕುಗೊಳಿಸುವಂತೆ ಬೆಂಗಳೂರು ಜಲಮಂಡಳಿ ಅಧ್ಯಕ್ಷೆ ಡಾ. ಎನ್. ಮಂಜುಳ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ. ವಿಶ್ವ ಬ್ಯಾಂಕ್ ಮತ್ತು ಜಪಾನ್ ಅಂತಾರಾಷ್ಟ್ರೀಯ ಸಹಕಾರ ಸಂಸ್ಥೆ (ಜೈಕಾ) ನೆರವಿನಲ್ಲಿ ನಡೆಯುತ್ತಿರುವ ಎಸ್ ಟಿಪಿ ನಿರ್ಮಾಣ, ಒಳಚರಂಡಿ ಜಾಲ, ತ್ಯಾಜ್ಯ ನೀರು ಸಂಸ್ಕರಣೆ ಮತ್ತು ನೀರು ಸರಬರಾಜು ಕಾಮಗಾರಿಗಳ ಪ್ರಗತಿ ಪರಿಶೀಲನೆಯನ್ನು ಡಾ.ಎನ್. ಮಂಜುಳಾ ನಡೆಸಿದರು. ಒಟ್ಟು 148 ಎಂಎಲ್ಡಿ ಸಾಮರ್ಥ್ಯದ ಎಸ್ ಟಿಪಿಗಳನ್ನು ವಿಶ್ವಬ್ಯಾಂಕ್ ನೆರವಿನಲ್ಲಿ ನಿರ್ಮಿಸಲಾಗುತ್ತಿದ್ದು, ಅವುಗಳಲ್ಲಿ ಅಬ್ಬಿಗೆರೆ - 5 ಎಂಎಲ್ಡಿ, ಯು.ಎಂ. ಕಾವಲ್ -10 ಎಂಎಲ್ಡಿ, ಕೊಗಿಲು - 15 ಎಂಎಲ್ಡಿ, ಅಂಜನಾಪುರ - 35 ಎಂಎಲ್ಡಿ, ಚನ್ನಸಂದ್ರ- 20 ಎಂಎಲ್ಡಿ, ಸೌಲ್ ಕೆರೆ -28 ಎಂಎಲ್ಡಿ, ಹುಳಿಮಾವು - 15 ಎಂಎಲ್ಡಿ, ಚಿಕ್ಕ ಬೇಗೂರಿನಲ್ಲಿ 15 ಎಂಎಲ್ಡಿ ಸೇರಿವೆ.