ಬಿಎಂಟಿಸಿ ಬಸ್ ಪ್ರಯಾಣ ದರ ಶೇ. 35ರಷ್ಟು ಏರಿಕೆ, ಹಲವು ಮಾರ್ಗಗಳಲ್ಲಿ ನಮ್ಮ ಮೆಟ್ರೋಗಿಂತ ಹೆಚ್ಚಾಗಿದೆ

ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (BMTC) ಬಸ್ ಪ್ರಯಾಣ ದರವನ್ನು ದಿಢೀರ್ ಶೇ. 35ರಷ್ಟು ಹೆಚ್ಚಿಸಿದೆ. ಪರಿಷ್ಕೃತ ದರ ಪಟ್ಟಿಯ ಪ್ರಕಾರ, ಹಲವು ಮಾರ್ಗಗಳಲ್ಲಿ ಬಿಎಂಟಿಸಿ ಬಸ್ ದರವೇ ನಮ್ಮ ಮೆಟ್ರೋಗಿಂತ ಹೆಚ್ಚಾಗಿದೆ. ಉದಾಹರಣೆಗೆ, ಮೆಜೆಸ್ಟಿಕ್‌ನಿಂದ ವಿಜಯನಗರಕ್ಕೆ ಮೆಟ್ರೋ ದರ 20 ಆದರೆ, ಬಿಎಂಟಿಸಿ ಬಸ್ ದರ 25 ರೂ.ಗೆ ಏರಿಕೆಯಾಗಿದೆ. ಮೆಜೆಸ್ಟಿಕ್‌ನಿಂದ ಜಯನಗರಕ್ಕೆ ಮೆಟ್ರೋ ದರ 30 ರೂ. ಇದ್ದರೆ, ಬಿಎಂಟಿಸಿ ಪ್ರಯಾಣ ದರ 35 ರೂ. ಮುಟ್ಟಿದೆ.