ಹಳೆಯ ನಮ್ಮ ಮೆಟ್ರೋ ರೈಲುಗಳ ಸಮಗ್ರ ಪರಿಶೀಲನೆ ಮತ್ತು ನಿರ್ವಹಣೆಗೆ ಬಿಎಂಆರ್‌ಸಿಎಲ್ ಯೋಜನೆ

ನಮ್ಮ ಮೆಟ್ರೋ ರೈಲುಗಳಲ್ಲಿ ಪದೇಪದೇ ತಾಂತ್ರಿಕ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತಿರುವ ಹಿನ್ನೆಲೆಯಲ್ಲಿ, ಬೆಂಗಳೂರು ಮೆಟ್ರೋ ರೈಲು ನಿಗಮ (ಬಿಎಂಆರ್‌ಸಿಎಲ್) ಹಳೆಯ ರೈಲುಗಳ ಸರ್ವಿಸ್ ಮತ್ತು ಬಿಡಿಭಾಗಗಳ ಬದಲಾವಣೆಗೆ ಮುಂದಾಗಿದೆ. ಪರ್ಪಲ್ ಮತ್ತು ಗ್ರೀನ್ ಲೈನ್‌ಗಳಲ್ಲಿ ಸಂಚರಿಸುತ್ತಿರುವ 57 ರೈಲುಗಳು ತಲಾ 10 ಲಕ್ಷ ಕಿಲೋಮೀಟರ್ ಸಂಚಾರ ಪೂರ್ಣಗೊಳಿಸಿವೆ. ಹಳೆಯ ರೈಲುಗಳನ್ನು ದುರಸ್ತಿ ಮಾಡಿ ಪುನಃ ಸೇವೆಗೆ ಅಣಿಗೊಳಿಸಲು ಸುಮಾರು ₹15 ಕೋಟಿ ವೆಚ್ಚವಾಗಬಹುದು ಎಂದು ಅಂದಾಜಿಸಲಾಗಿದೆ. ಈ ಮೂಲಕ ಪ್ರತಿ ರೈಲಿಗೆ ಸುಮಾರು ₹35 ಕೋಟಿ ಉಳಿತಾಯ ಮಾಡುವ ಉದ್ದೇಶ ಬಿಎಂಆರ್‌ಸಿಎಲ್ ಹೊಂದಿದೆ.