ಬೆಂಗಳೂರಿನ ಬೃಹತ್ ಫ್ಲೈಓವರ್ ಯೋಜನೆಗಳಿಗೆ ಬಿಗ್ ಟ್ವಿಸ್ಟ್, 6 ಕಾರಿಡಾರ್‌ಗಳಿಗೆ ಮರು ಟೆಂಡರ್

ಬೆಂಗಳೂರು ಸ್ಮಾರ್ಟ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್-ಬಿಸ್ಮೈಲ್ ಸಂಸ್ಥೆಯು ಸುಮಾರು ₹1,500 ಕೋಟಿ ವೆಚ್ಚದ 6 ಪ್ರಮುಖ ಫ್ಲೈಓವರ್ ಮತ್ತು ಎಲಿವೇಟೆಡ್ ಕಾರಿಡಾರ್ ಯೋಜನೆಗಳಿಗೆ ಹೊಸ ಮರು ಟೆಂಡರ್ ಪ್ರಕ್ರಿಯೆಯನ್ನು ಆರಂಭಿಸಿದೆ. ಈ ಹಿಂದೆ ಸಲ್ಲಿಸಲಾದ ಟೆಂಡರ್ ದಾಖಲೆಗಳು ನಗರಾಭಿವೃದ್ಧಿ ಇಲಾಖೆಯ ಪ್ರಮಾಣಿತ ಗುತ್ತಿಗೆ ನಿಯಮಗಳು ಮತ್ತು ಮಾನದಂಡಗಳಿಗೆ ಅನುಗುಣವಾಗಿಲ್ಲದ ಕಾರಣ, ಸರ್ಕಾರಿ ಉಪಸಮಿತಿಯು ಹೊಸದಾಗಿ ಅರ್ಜಿ ಆಹ್ವಾನಿಸಲು ಶಿಫಾರಸು ಮಾಡಿತ್ತು. ಗ್ರೇಟರ್ ಬೆಂಗಳೂರು ಪ್ರಾಧಿಕಾರ ವ್ಯಾಪ್ತಿಯ ಐದು ನಗರ ನಿಗಮಗಳಲ್ಲಿ ಒಟ್ಟು ₹13,262.70 ಕೋಟಿ ವೆಚ್ಚದಲ್ಲಿ 75.6 ಕಿ.ಮೀ. ಉದ್ದದ 11 ಎಲಿವೇಟೆಡ್ ಕಾರಿಡಾರ್ ಗಳನ್ನು ನಿರ್ಮಿಸಲು ರಾಜ್ಯ ಸಚಿವ ಸಂಪುಟವು ಕಳೆದ ಏಪ್ರಿಲ್ ನಲ್ಲಿ ಅನುಮೋದನೆ ನೀಡಿತ್ತು.