ಬಿಡಿಎ ಮುಕ್ತ ಸಭೆಯಲ್ಲಿ 7,410 ದೂರುಗಳಲ್ಲಿ 4,759 ದೂರುಗಳ ಇತ್ಯರ್ಥ

ನಾಗರಿಕರ ದೂರುಗಳಿಗೆ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಮುಕ್ತ ಸಭೆ ನಡೆಸಿದೆ. ಸೆಪ್ಟೆಂಬರ್ ಅಂತ್ಯದೊಳಗೆ 7,410 ದೂರುಗಳ ಪೈಕಿ 4,759 ದೂರುಗಳನ್ನು ಇತ್ಯರ್ಥಪಡಿಸಲಾಗಿದೆ. ಹೆಚ್ಚಿನ ದೂರುಗಳನ್ನು ಇತ್ಯರ್ಥಪಡಿಸಲು ಪ್ರಾಧಿಕಾರ ಅಕ್ಟೋಬರ್ ಮೊದಲ ವಾರದಲ್ಲಿ 100ನೇ ಮುಕ್ತ ಸಭೆ ನಡೆಸಲಿದೆ. ವರ್ಷಾಂತ್ಯದೊಳಗೆ ಬಾಕಿ ಇರುವ ದೂರುಗಳನ್ನು ಶೂನ್ಯಕ್ಕೆ ಇಳಿಸುವ ಗುರಿ ಹೊಂದಿದೆ.