ಬಟಾಲಿಯನ್ ಚಿತ್ರದ ಮುಹೂರ್ತ ಶ್ರೀಮಹಾಲಕ್ಷ್ಮಿ ದೇವಸ್ಥಾನದಲ್ಲಿ

ಕಾಶ್ ಪಿಕ್ಚರ್ಸ್ ಮೂಲಕ ಪ್ರಕಾಶ್ ಎಸ್. ಬೂದೂರು ನಿರ್ಮಿಸುತ್ತಿರುವ 'ಬಟಾಲಿಯನ್' ಚಿತ್ರದ ಮುಹೂರ್ತ ಸಮಾರಂಭ ಕುಮಾರ್ ಪಾರ್ಕ್‌ನ ಶ್ರೀಮಹಾಲಕ್ಷ್ಮಿ ದೇವಸ್ಥಾನದಲ್ಲಿ ನಡೆಯಿತು. ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ನಿರ್ದೇಶಕ ಕೃಷ್ಣಕುಮಾರ್ ಅವರು, ಈ ಚಿತ್ರವು ಏಳು ಜನ ಸ್ನೇಹಿತರ ಕುರಿತ ಕಾಮಿಡಿ ಥ್ರಿಲ್ಲರ್ ಎಂದು ಮಾಹಿತಿ ನೀಡಿದರು. ಚಿತ್ರೀಕರಣ ನಾಳೆಯಿಂದಲೇ ಆರಂಭವಾಗಿದ್ದು, ಕಾಸರಗೋಡು, ಕಾರ್ಕಳ, ಗೋವಾ ಮತ್ತು ಬೆಂಗಳೂರು ಸುತ್ತಮುತ್ತ ಸುಮಾರು 50 ದಿನಗಳ ಕಾಲ ಶೂಟಿಂಗ್ ನಡೆಸುವ ಯೋಜನೆ ಇದೆ.