ಬೆಂಗಳೂರಿನ ಬಸವ ಪುತ್ಥಳಿ ಪೂರ್ಣಕ್ಕೆ ಪ್ರಯತ್ನ: ಮಾತೆ ಗಂಗಾದೇವಿ

ಬೆಂಗಳೂರಿನ ಬಸವ ಮಹಾಮನೆ ಆವರಣದಲ್ಲಿ ಸೋಮವಾರ ನಡೆದ ಸಮಾರೋಪ ಸಮಾರಂಭದಲ್ಲಿ ಬಸವಧರ್ಮ ಪೀಠಾಧ್ಯಕ್ಷೆ ಮಾತೆ ಗಂಗಾದೇವಿ ಮಾತನಾಡಿದರು. ಬಸವಕಲ್ಯಾಣದಲ್ಲಿ ಅಭಯ ಹಸ್ತದ ಪ್ರತಿಮೆ ಇದ್ದರೆ ಬೆಂಗಳೂರಿನಲ್ಲಿ ಇಷ್ಟಲಿಂಗ ಪೂಜೆಗೈಯುತ್ತಿರುವ ಭಂಗಿಯ ಮೂರ್ತಿ ಇದೆ ಎಂದು ಅವರು ಹೇಳಿದರು. ಲಿಫ್ಟ್ ಮೂಲಕ ಮೇಲಕ್ಕೆ ಹೋದರೆ ಎಡಗಣ್ಣಿನ ರಂಧ್ರದಿಂದ ಕೈಯಲ್ಲಿನ ಲಿಂಗವನ್ನು ಕಾಣುವ ವ್ಯವಸ್ಥೆಯೂ ಮಾಡಲಾಗುತ್ತಿದೆ ಎಂದೂ ಅವರು ತಿಳಿಸಿದರು. ಲಿಂಗಾನಂದ ಸ್ವಾಮೀಜಿ ಹಾಗೂ ಮಾತೆ ಮಹಾದೇವಿಯವರು ದೊಡ್ಡ ಸಂಸ್ಥೆಯನ್ನು ಕಟ್ಟಿ ಅನೇಕ ಮಹತ್ವದ ಕಾರ್ಯಗಳನ್ನು ಕೈಗೊಂಡಿರುವುದನ್ನು ಸ್ಮರಿಸುವುದು ಅಗತ್ಯವಾಗಿದೆ ಎಂದೂ ಅವರು ಹೇಳಿದರು.