ಬಳ್ಳಾರಿ ರಸ್ತೆಯಲ್ಲಿ 18 ತಿಂಗಳು ಸಂಪೂರ್ಣ ಬಂದ್ ಆಗುವುದಿಲ್ಲ

ಬಳ್ಳಾರಿ ರಸ್ತೆಯಲ್ಲಿ ಯುಎಎಸ್ ಬಸ್ ನಿಲ್ದಾಣದಿಂದ ಮೇಖ್ರಿ ವೃತ್ತದವರೆಗೆ ನಾಲ್ಕು ಪಥದ ಎತ್ತರಿಸಿದ ಮೇಲ್ಸೇತುವೆ ನಿರ್ಮಾಣ ಕಾಮಗಾರಿಗಾಗಿ ಬಳ್ಳಾರಿ ರಸ್ತೆಯನ್ನು 18 ತಿಂಗಳು ಸಂಪೂರ್ಣವಾಗಿ ಬಂದ್ ಮಾಡುವುದಿಲ್ಲ ಎಂದು ಬಿಡಿಎ ಸ್ಪಷ್ಟಪಡಿಸಿದೆ. ಈ ಎಲಿವೇಟೆಡ್ ಕಾರಿಡಾರ್‌ಗೆ ₹445.7 ಕೋಟಿ ವೆಚ್ಚದಲ್ಲಿ 49 ಪಿಲ್ಲರ್‌ಗಳನ್ನು ನಿರ್ಮಿಸಿ 1.74 ಕಿ.ಮೀ ಉದ್ದದ ನಾಲ್ಕು ಪಥಗಳ ಎಲಿವೇಟೆಡ್ ಕಾರಿಡಾರ್ ಅನ್ನು 18 ತಿಂಗಳಲ್ಲಿ ನಿರ್ಮಿಸಲಾಗುತ್ತದೆ. ಕಾಮಗಾರಿಯ ಅವಧಿಯಲ್ಲೂ ನಿಯಂತ್ರಿತ ಸಂಚಾರ ನಿರ್ಬಂಧ ಮತ್ತು ಹಂತ-ಹಂತದ ಮಾರ್ಗ ಬದಲಾವಣೆಗಳೊಂದಿಗೆ ವಾಹನ ಸಂಚಾರ ಎಂದಿನಂತೆ ಮುಂದುವರಿಯಲಿದೆ. ಮೇಖ್ರಿ ವೃತ್ತದಲ್ಲಿ ಎಲಿವೇಟೆಡ್ ರೋಟರಿ ಜಂಕ್ಷನ್ ಬರಲಿದೆ ಮತ್ತು ಸಿ.ವಿ. ರಾಮನ್ ರಸ್ತೆ ಮೂಲಕ ಯಶವಂತಪುರ ಕಡೆಗೆ ಹಾಗೂ ಜಯಮಹಲ್ ರಸ್ತೆ ಕಡೆಗೆ ಡೌನ್‌ ರ್‍ಯಾಂಪ್‌ ಇರಲಿದೆ.