ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನ ರೆಕ್ಕೆ ಘರ್ಷಣೆ ತಡೆಗೆ ಸ್ವಯಂಚಾಲಿತ ನಿಗಾ ವ್ಯವಸ್ಥೆ

ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ನಿಯಮಿತ (BIAAL) ವಿಮಾನಗಳು ತಮ್ಮ ಮಾರ್ಗದಿಂದ ತಪ್ಪಿ ಹೋಗುವುದು ಅಥವಾ ರೆಕ್ಕೆಗಳು ಘರ್ಷಣೆಯಾಗುವ ಅಪಾಯ ತಪ್ಪಿಸಲು ಸ್ವಯಂಚಾಲಿತ ನಿಗಾ ಮತ್ತು ಎಚ್ಚರಿಕೆ ವ್ಯವಸ್ಥೆ ಅಳವಡಿಸಲು ಮುಂದಾಗಿದೆ. ಏಪ್ರಾನ್ ಪ್ರದೇಶದಲ್ಲಿ ವಿಮಾನಗಳ ಸಂಚಾರ ಗಮನಿಸುವ ಈ ವ್ಯವಸ್ಥೆಯು, ವಿಮಾನಗಳು ರನ್‌ವೇಗೆ ತೆರಳುವ ಮುನ್ನ ಅಥವಾ ಹಿಂದಿರುಗುವ ಸಂದರ್ಭದಲ್ಲಿ ಸುರಕ್ಷತೆ ಹೆಚ್ಚಿಸುವ ಉದ್ದೇಶ ಹೊಂದಿದೆ. ಹೊಸ ವ್ಯವಸ್ಥೆಯಲ್ಲಿ ಕ್ಯಾಮೆರಾ ಜತೆಗೆ ಕೃತಕ ಬುದ್ಧಿಮತ್ತೆ ಮತ್ತು ವಿಡಿಯೋ ವಿಶ್ಲೇಷಣೆಯ ಮೂಲಕ ವಿಮಾನಗಳ ಚಲನವಲನವನ್ನು ನಿರಂತರವಾಗಿ ಗಮನಿಸಲಾಗುತ್ತದೆ. ವಿಮಾನವು ತಪ್ಪು ಟ್ಯಾಕ್ಸಿ ಮಾರ್ಗಕ್ಕೆ ಪ್ರವೇಶಿಸಿದರೆ ಅಥವಾ ಅನುಮತಿಸದ ಸ್ಥಳದಲ್ಲಿ ನಿಂತರೆ, ಈ ವ್ಯವಸ್ಥೆಯು ತಕ್ಷಣವೇ ಎಟಿಸಿಗೆ ದೃಶ್ಯ ಅಥವಾ ಧ್ವನಿ ಎಚ್ಚರಿಕೆ ನೀಡಲಿದೆ.