ವಿಮಾನದ ಕಿಟಕಿಯ ಮೇಲೆ ಗಣಪತಿ ಚಿತ್ರ ಬಿಡಿಸಿದ ಕಲಾವಿದೆ: 'ನೋ ಫ್ಲೈ ಲಿಸ್ಟ್'ಗೆ ಸೇರಿಸಲು ನೆಟ್ಟಿಗರ ಆಗ್ರಹ!

ವಿಮಾನದ ಕಿಟಕಿಯ ಮೇಲೆ ಗಣಪತಿ ದೇವರ ಸುಂದರ ಚಿತ್ರವನ್ನು ಬಿಡಿಸಿದ ಭಾರತೀಯ ಮಹಿಳಾ ಕಲಾವಿದೆಯೊಬ್ಬರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ತೀವ್ರ ವಿವಾದಕ್ಕೆ ಕಾರಣವಾಗಿದೆ. ವಿಮಾನದ ಒಳಭಾಗವನ್ನು ಹಾಳು ಮಾಡಿದ್ದಕ್ಕೆ ನೆಟ್ಟಿಗರು ಆಕೆಯನ್ನು 'ನೋ ಫ್ಲೈ ಲಿಸ್ಟ್'ಗೆ ಸೇರಿಸಬೇಕು ಎಂದು ಆಗ್ರಹಿಸಿದ್ದರು. ಕಲಾವಿದೆ ಮಿತಾಲಿ ಸಾಲುಂಕೆ ಅವರು ನೇರವಾಗಿ ಗಾಜಿನ ಮೇಲೆ ಚಿತ್ರ ಬಿಡಿಸಿಲ್ಲ, ಬದಲಿಗೆ ಪಾರದರ್ಶಕ ಶೀಟ್ ಮೇಲೆ ಬಿಡಿಸಿ ಅದನ್ನು ಕಿಟಕಿಯ ಮೇಲೆ ಇರಿಸಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದಾರೆ.