ಬೆಂಗಳೂರಿನ AQI 'ಸಾಧಾರಣ' ವ್ಯಾಪ್ತಿಯಲ್ಲಿದೆ; ಬಿಟಿಎಂ ಲೇಔಟ್ ಮತ್ತು ಪೀಣ್ಯದ ಬಳಿ ಕೆಲವು ಪ್ರದೇಶಗಳು 100ರ ಸಮೀಪ ತಲುಪಿವೆ

ಬೆಂಗಳೂರಿನ ಪ್ರಸ್ತುತ ಸರಾಸರಿ AQI 72 ರಿಂದ 75 ರಷ್ಟಿದ್ದು, ಇದು 'ಸಾಧಾರಣ' ವಿಭಾಗದಲ್ಲಿದೆ. ರಾಜ್ಯಾದ್ಯಂತ ಮುಂಗಾರು ಮಳೆಯಾಗುತ್ತಿರುವುದರಿಂದ ಮತ್ತು ತಂಪಾದ ಗಾಳಿ ಬೀಸುತ್ತಿರುವುದರಿಂದ ಬಹುತೇಕ ಜಿಲ್ಲೆಗಳಲ್ಲಿ ಗಾಳಿಯ ಗುಣಮಟ್ಟ 'ಉತ್ತಮ' ಹಾಗೂ 'ಸಾಧಾರಣ' ಮಟ್ಟದಲ್ಲಿದೆ. ಬಿಟಿಎಂ ಲೇಔಟ್, ಪೀಣ್ಯ, ಸಿಟಿ ರೈಲ್ವೆ ಸ್ಟೇಷನ್ ಹಾಗೂ ಮೈಸೂರು ರಸ್ತೆ ವ್ಯಾಪ್ತಿಯಲ್ಲಿ ವಾಹನಗಳ ದಟ್ಟಣೆಯಿಂದಾಗಿ ಎಕ್ಯೂಐ 100ರ ಸಮೀಪಕ್ಕೆ ತಲುಪಿದೆ. ಆದರೆ ಕಬ್ಬನ್ ಪಾರ್ಕ್, ಲಾಲ್‌ಬಾಗ್ ಮತ್ತು ನಗರ ಹೊರವಲಯಗಳಲ್ಲಿ ಗಾಳಿಯ ಗುಣಮಟ್ಟ ಉತ್ತಮವಾಗಿದೆ ಎಂದು ವರದಿಯಾಗಿದೆ.