‘ಸಿನಿ ಸಂವಾದ’ ಮತ್ತು ‘ಮಹಿಳಾ ಸಿನಿ ಸಂವಾದ’ ಕಾರ್ಯಾಗಾರಗಳಿಗೆ ಅರ್ಜಿ ಆಹ್ವಾನ

ಕರ್ನಾಟಕ ಚಲನಚಿತ್ರ ಅಕಾಡೆಮಿಯು ಯುವ ಪ್ರತಿಭೆಗಳು ಮತ್ತು ಮಹಿಳೆಯರಿಗಾಗಿ ‘ಸಿನಿ ಸಂವಾದ’ ಮತ್ತು ‘ಮಹಿಳಾ ಸಿನಿ ಸಂವಾದ’ ಕಾರ್ಯಾಗಾರಗಳನ್ನು ಆಯೋಜಿಸಿದೆ. ಆಸಕ್ತರಿಂದ ಈ ಕಾರ್ಯಾಗಾರಗಳಿಗೆ ಆನ್‌ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಮೂರು ದಿನಗಳ ‘ಸಿನಿ ಸಂವಾದ’ ಕಾರ್ಯಾಗಾರವು ನ. 14 ರಿಂದ 16ರವರೆಗೆ ನಡೆಯಲಿದೆ. ಒಂದು ದಿನದ ‘ಮಹಿಳಾ ಸಿನಿ ಸಂವಾದ’ ಕಾರ್ಯಾಗಾರವು ನ. 17ರಂದು ಹಮ್ಮಿಕೊಳ್ಳಲಾಗಿದೆ. ಆಸಕ್ತರು ನ.10ರೊಳಗೆ ಅರ್ಜಿ ಸಲ್ಲಿಸಬೇಕು. ಅರ್ಜಿಗಳನ್ನು ಅಕಾಡೆಮಿಯ ಅಧಿಕೃತ ವೆಬ್‌ಸೈಟ್ www.kca.karnataka.gov.in ಅಥವಾ kca.filmmakingworkshop@gmail.com ಮೂಲಕ ಇಮೇಲ್ ಮಾಡಿ ಆನ್‌ಲೈನ್‌ನಲ್ಲಿ ಸಲ್ಲಿಸಬಹುದು. ಹೆಚ್ಚಿನ ಮಾಹಿತಿಗಾಗಿ 8904645529, ಅಥವಾ ಇಮೇಲ್ chalanachitraacademy@gmail.com / 080-23493410 / 080-23493441 ಸಂಪರ್ಕಿಸಬಹುದು.