ಕ್ಯಾಪ್ಟನ್‌ ತಿಮ್ಮಪ್ಪಯ್ಯ ಸ್ಮಾರಕ ಕ್ರಿಕೆಟ್‌ ಟೂರ್ನಿ: ಆಂಧ್ರ ಬಿಗಿ ಹಿಡಿತ

ಕ್ಯಾಪ್ಟನ್‌ ತಿಮ್ಮಪ್ಪಯ್ಯ ಸ್ಮಾರಕ ಕ್ರಿಕೆಟ್‌ ಟೂರ್ನಿಯಲ್ಲಿ, ಟಿ.ವಿ. ಸಾಯಿ ಶ್ರವಣ್‌ (30ಕ್ಕೆ4) ಅವರ ಬೌಲಿಂಗ್‌ ಎದುರು ಮಧ್ಯಪ್ರದೇಶ ತಂಡ ಮೊದಲ ಇನಿಂಗ್ಸ್‌ನಲ್ಲಿ 326 ರನ್‌ಗಳಿಗೆ ಕುಸಿಯಿತು. ಮೊದಲ ಇನಿಂಗ್ಸ್‌ನಲ್ಲಿ ಆಂಧ್ರ ತಂಡ 199 ರನ್‌ಗಳ ಮುನ್ನಡೆ ಪಡೆದಿದ್ದು, ಎರಡನೇ ಇನಿಂಗ್ಸ್‌ನಲ್ಲಿ 5 ವಿಕೆಟ್‌ಗೆ 178 ರನ್‌ ಗಳಿಸಿ ಪಂದ್ಯದ ಮೇಲೆ ಹಿಡಿತ ಸಾಧಿಸಿದೆ. ಮೂರನೇ ದಿನದಾಟದ ಅಂತ್ಯಕ್ಕೆ ಒಟ್ಟಾರೆ 377 ರನ್‌ ಮುನ್ನಡೆಯಲ್ಲಿದೆ. ಧ್ರುವಕುಮಾರ್‌ ರೆಡ್ಡಿ (ಅಜೇಯ 96) ಶತಕ ಸನಿಹದಲ್ಲಿದ್ದು, ದೊಡ್ಡ ಮೊತ್ತ ಗಳಿಸುವ ವಿಶ್ವಾಸದಲ್ಲಿದ್ದಾರೆ. ಇದಕ್ಕೆ ಮೊದಲು ಸಾಯಿ ಅವರ ಪರಿಣಾಮಕಾರಿ ಬೌಲಿಂಗ್‌ ಮೆಟ್ಟಿ ನಿಂತ ಹರ್ಷ್‌ ಗಾವ್ಲಿ (122) ಮತ್ತು ಚಂಚಲ್‌ ರಾಥೋಡ್‌ (121) ಶತಕ ಗಳಿಸಿ ಮಧ್ಯಪ್ರದೇಶ ತಂಡಕ್ಕೆ ಆಸರೆಯಾದರು.