ಕೇರಳದ ಬಸ್ಸುಗಳಿಂದ ಬೆಂಗಳೂರಿನ RTO ಅಧಿಕಾರಿಗಳಿಗೆ ಮಾಸಿಕ ಲಂಚದ ಆರೋಪ

ಕೇರಳದ ನೋಂದಾಯಿತ ಪ್ರವಾಸಿ ಬಸ್ಸುಗಳು ಬೆಂಗಳೂರಿನ ಎಲೆಕ್ಟ್ರಾನಿಕ್ಸ್ ಸಿಟಿ, ಮೆಜೆಸ್ಟಿಕ್ ಮತ್ತು ದೇವನಹಳ್ಳಿ ಸೇರಿದಂತೆ ವಿವಿಧ ಮಾರ್ಗಗಳಲ್ಲಿ ಸುಗಮವಾಗಿ ಸಂಚರಿಸಲು RTO ಅಧಿಕಾರಿಗಳು ಮತ್ತು IMVಗಳಿಗೆ ಮಾಸಿಕ ಲಂಚ ನೀಡುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಕುರಿತು 'ಕರ್ನಾಟಕ ರಾಜ್ಯ ಖಾಸಗಿ ಸಾರಿಗೆ ಸಂಸ್ಥೆಗಳ ಒಕ್ಕೂಟ' ಸರ್ಕಾರಕ್ಕೆ ದೂರು ನೀಡಿದೆ. ಒಕ್ಕೂಟದ ರಾಜ್ಯಾಧ್ಯಕ್ಷರು ಸಾರಿಗೆ ಆಯುಕ್ತರಿಗೆ ಅಧಿಕೃತ ದೂರು ಸಲ್ಲಿಸಿ, Google Pay ಮತ್ತು UPI ಮೂಲಕ ಹಫ್ತಾ ವಸೂಲಿ ಮಾಡಿದ ಸಾಕ್ಷ್ಯಾಧಾರಗಳನ್ನು ಒದಗಿಸಿದ್ದಾರೆ. ದೂರಿನ ಪ್ರಕಾರ, ಬಸ್ ಆಪರೇಟರ್‌ಗಳು ತಿಂಗಳಿಗೆ ₹26,000 ರಿಂದ ₹30,000 ವರೆಗೆ ಲಂಚ ಪಾವತಿಸುತ್ತಿದ್ದರು, ಇದರಲ್ಲಿ 60:40 ಅನುಪಾತದಲ್ಲಿ ತೆರಿಗೆ ಮತ್ತು ಲಂಚದ ಹಣ ವಸೂಲಿ ಮಾಡಲಾಗುತ್ತಿತ್ತು.