ಆಕಾಶವಾಣಿಯಲ್ಲಿ ‘ಮಕ್ಕಳ ಕನಸಿನ ಗ್ರಾಮ’ ಕಾರ್ಯಕ್ರಮ ಪ್ರಸಾರ

ಗೌರಿಬಿದನೂರಿನ ಕರ್ನಾಟಕ ಪಬ್ಲಿಕ್ ಶಾಲೆಯ ವಿದ್ಯಾರ್ಥಿಗಳೊಂದಿಗೆ ಆಕಾಶವಾಣಿಯು ಶನಿವಾರ 'ನನ್ನ ಕನಸಿನ ಗ್ರಾಮ' ಎಂಬ ಸಂವಾದ ಕಾರ್ಯಕ್ರಮ ನಡೆಸಿಕೊಟ್ಟಿತು. 'ಹಕ್ಕಿಯ ಬಳಗ' ಮಕ್ಕಳ ವಿಭಾಗದಲ್ಲಿ ಏರ್ಪಡಿಸಲಾದ ಈ ಕಾರ್ಯಕ್ರಮವನ್ನು ಶಾಲಾ ಶಿಕ್ಷಕಿ ಹೇಮಲತಾ ಆಯೋಜಿಸಿದ್ದರು. ಹಳ್ಳಿಯ ನೈಜ ಬದುಕು, ಕೆರೆಗಳ ಸಂರಕ್ಷಣೆ, ಮಳೆನೀರು ಸಂಗ್ರಹ, ಕೃಷಿಯಲ್ಲಿ ಆಧುನಿಕ ತಂತ್ರಜ್ಞಾನದ ಸದ್ಬಳಕೆ ಕುರಿತು ಮಕ್ಕಳು ಭಾಗವಹಿಸಿದ್ದರು.