ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ವಾರ ಪೂರ್ತಿ ದಸರಾ ಸಂಭ್ರಮ, ಪ್ರಸಿದ್ಧ ಬಾಣಸಿಗನ ಊಟ ಸವೆಯುವ ಅವಕಾಶ

ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವು ಅಕ್ಟೋಬರ್ 12ರಿಂದ 17ರವರೆಗೆ ವಾರಪೂರ್ತಿ ಸಾಂಸ್ಕೃತಿಕ ಸಂಭ್ರಮದೊಂದಿಗೆ ದಸರಾವನ್ನು ಆಚರಿಸಲು ಸಜ್ಜಾಗಿದೆ. ಬೆಂಗಳೂರಿನ ಹೆಬ್ಬಾಗಿಲಾಗಿರುವ ವಿಮಾನ ನಿಲ್ದಾಣವು, ರಾಜ್ಯದ ಸಂಪ್ರದಾಯ, ಕಥೆಗಳು ಮತ್ತು ಸೃಜನಶೀಲ ಪರಂಪರೆಯನ್ನು ಪ್ರಯಾಣಿಕರಿಗೆ ಪರಿಚಯಿಸಲು ಹೊರಟಿದೆ. ಈ ದಸರಾ ಆಚರಣೆಯಲ್ಲಿ ಅನುಪಮಾ ಹೊಸ್ಕೆರೆ ಅವರ ನೇತೃತ್ವದಲ್ಲಿ ದಸರಾ ಗೊಂಬೆಗಳ ಪ್ರದರ್ಶನ ಮತ್ತು ಅಕ್ಟೋಬರ್ 16 ರಂದು ಸಂಜೆ 6 ರಿಂದ 8 ಗಂಟೆಯವರೆಗೆ 'ತೊಗಲು ಗೊಂಬೆಯಾಟ' ನಡೆಯಲಿದೆ.