ಬೆಂಗಳೂರು ಪ್ರದೇಶದಲ್ಲಿ ನಾಗರಿಕ ಸಮಸ್ಯೆಗಳ ಪರಿಹಾರಕ್ಕಾಗಿ ಎ.ಐ ತಂತ್ರಜ್ಞಾನ ಅಳವಡಿಕೆ

ದಕ್ಷಿಣ ನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಬ್ಲಾಕ್ ಸ್ಪಾಟ್‌, ರಸ್ತೆ ಗುಂಡಿ, ಬೀದಿ ದೀಪ ಮತ್ತು ಅಕ್ರಮ ಜಾಹೀರಾತು ಫಲಕಗಳಂತಹ ಸಮಸ್ಯೆಗಳನ್ನು ತ್ವರಿತವಾಗಿ ಪರಿಹರಿಸಲು ಎ.ಐ ಆಧಾರಿತ ತಂತ್ರಜ್ಞಾನವನ್ನು ಪ್ರಾಯೋಗಿಕವಾಗಿ ಅಳವಡಿಸಲಾಗಿದೆ ಎಂದು ಪಾಲಿಕೆ ಆಯುಕ್ತ ಕೆ.ಎನ್. ರಮೇಶ್ ತಿಳಿಸಿದರು. ಎ.ಐ ಕ್ಯಾಮೆರಾ ಅಳವಡಿಸಿರುವ ವಾಹನದಿಂದ 311 ಕಿಲೋ ಮೀಟರ್‌ ರಸ್ತೆಗಳ ಪೈಕಿ 150 ಕಿಲೋ ಮೀಟರ್‌ ರಸ್ತೆಯಲ್ಲಿ ಸಮಗ್ರ ಸರ್ವೆ ನಡೆಸಲಾಗಿತ್ತು. ಈ ಸರ್ವೆಯ ವೇಳೆ ಒಟ್ಟು 2,000 ಟಿಕೆಟ್‌ಗಳನ್ನು ಎ.ಐ ತಂತ್ರಜ್ಞಾನ ದಾಖಲಿಸಿದೆ. ಪತ್ತೆಯಾದ ತ್ಯಾಜ್ಯ ಸಂಬಂಧಿತ 1,000 ಟಿಕೆಟ್‌ಗಳನ್ನು ಮುಂದಿನ 10 ದಿನಗಳ ಒಳಗೆ ಮುಕ್ತಾಯಗೊಳಿಸಲು ಕಟ್ಟುನಿಟ್ಟಿನ ಸೂಚನೆ ನೀಡಲಾಯಿತು.