ಬೆಂಗಳೂರಿನಲ್ಲಿ 'ಶೈಕ್ಷಣಿಕ ಸಂಯೋಜಕ' ಹುದ್ದೆಗಳು ಖಾಲಿಯಾಗಿ 5,000ಕ್ಕೂ ಹೆಚ್ಚು ಅತಿಥಿ ಉಪನ್ಯಾಸಕರು ಸಂಕಷ್ಟದಲ್ಲಿ

ಶೈಕ್ಷಣಿಕ ವರ್ಷ ಆರಂಭವಾಗಿ ಮೂರು ತಿಂಗಳು ಕಳೆದರೂ 'ಶೈಕ್ಷಣಿಕ ಸಂಯೋಜಕ' ಹುದ್ದೆಗೆ ನೇಮಕ ಮಾಡದ ಕಾರಣ ಐದು ಸಾವಿರಕ್ಕೂ ಹೆಚ್ಚು ಅತಿಥಿ ಉಪನ್ಯಾಸಕರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ರಾಜ್ಯ ಅತಿಥಿ ಉಪನ್ಯಾಸಕರ ಸಂಘದ ಅಧ್ಯಕ್ಷ ಹನುಮಂತಗೌಡ ಕಲ್ಮನಿ ಮಾತನಾಡಿ, ಸರ್ಕಾರ ತೆಗೆದುಕೊಂಡ ತೀರ್ಮಾನವನ್ನು ಕಾಲೇಜು ಶಿಕ್ಷಣ ಇಲಾಖೆ ನಿರ್ಲಕ್ಷಿಸುತ್ತಿದೆ. ಈ ವೃತ್ತಿಯನ್ನು ಎರಡು ದಶಕಗಳಿಂದ ನಂಬಿಕೊಂಡವರು ಸ್ವಾಭಿಮಾನ ಬಿಟ್ಟು ಬದುಕುವ ಸ್ಥಿತಿ ಬಂದಿದೆ ಎಂದು ಅವರು ಹೇಳಿದ್ದಾರೆ.