ಬಸ್‌ನಲ್ಲಿ ಮಲಗಿರುವ ಮಗುವಿನ ಐಕಾನಿಕ್ KSRTC ಜಾಹೀರಾತಿನ ಹಿಂದಿನ ಕಥೆ 20 ವರ್ಷಗಳ ನಂತರವೂ ಚರ್ಚೆಯಲ್ಲಿ

ಸ್ಟ್ರೋಲರ್‌ನಲ್ಲಿ ಪ್ರಶಾಂತವಾಗಿ ನಿದ್ರಿಸುತ್ತಿರುವ ಮಗುವಿನ ಫೋಟೋ ಮತ್ತು ಸರಳವಾದ ಕಲ್ಪನೆಯು KSRTC ನ ಐಷಾರಾಮಿ ಬಸ್ಸುಗಳನ್ನು ಚಲಿಸುವ ಜಾಹೀರಾತು ಫಲಕಗಳನ್ನಾಗಿ ಪರಿವರ್ತಿಸಿದೆ. KSRTC ನ ಐಷಾರಾಮಿ 'ಐರಾವತ ಕ್ಲಬ್ ಕ್ಲಾಸ್' ಬಸ್ಸುಗಳ ಪಕ್ಕದಲ್ಲಿ ಮಲಗಿರುವ ಮಗುವಿನ ಈ ಚಿತ್ರಕ್ಕೆ ಬರೋಬ್ಬರಿ ಎರಡು ದಶಕಗಳು ಕಳೆದಿವೆ. ಬೆಂಗಳೂರಿನ ಪ್ರಸಿದ್ಧ ಫೋಟೋಗ್ರಾಫರ್ ಸೆಂಥಿಲ್ ಕುಮಾರ್ ಮುರುಗನಂದನ್ ಅವರು ಈ ಅಪರೂಪದ ಫೋಟೋಗೆ ಸಿಗುತ್ತಿರುವ ಜನಪ್ರಿಯತೆಯನ್ನು ಕಂಡು ಹೆಮ್ಮೆ ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗೆ ಅವರು ರಸ್ತೆಯಲ್ಲಿ ಚಲಿಸುತ್ತಿದ್ದ ಕೆಎಸ್ ಆರ್ ಟಿಸಿ ಐರಾವತ ಬಸ್ ನ ವೀಡಿಯೋವನ್ನು ಇನ್ ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದು, ಇದು 4 ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದು ವೈರಲ್ ಆಗಿದೆ.