15 ವರ್ಷದ ಬಾಲಕನ ಆಸ್ತಿ ವಿವಾದದ ಹಿನ್ನೆಲೆಯಲ್ಲಿ ಚಿಕ್ಕಪ್ಪನಿಂದ ಕೊಲೆ: ಬೆಂಗಳೂರಿನಲ್ಲಿ ಘಟನೆ

ಬೆಂಗಳೂರಿನ ಸೋಲದೇವನಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ಇಂದಿರಾ ಕಾಲೋನಿಯಲ್ಲಿ ಆಸ್ತಿ ವೈಷಮ್ಯಕ್ಕೆ ಸಂಬಂಧಿಸಿದಂತೆ ತಂದೆ-ತಾಯಿ ಇಲ್ಲದೆ ಸಹೋದರನ ಆರೈಕೆಯಲ್ಲಿದ್ದ 15 ವರ್ಷದ ಕೃಷ್ಣ ಎಂಬ ಬಾಲಕನನ್ನು ಚಿಕ್ಕಪ್ಪನೇ ಮಚ್ಚಿನಿಂದ ಹಲ್ಲೆ ನಡೆಸಿ ಭೀಕರವಾಗಿ ಕೊಲೆ ಮಾಡಿರುವ ಘಟನೆ ನಡೆದಿದೆ. ಪಿತ್ರಾರ್ಜಿತ ಜಮೀನು ಮಾರಾಟದ ಹಣ ಮತ್ತು ಪಾಲು ಪಡೆದ ವಿಚಾರದ ದ್ವೇಷದಿಂದ ಆರೋಪಿ ಬಾಲಕನ ಅಣ್ಣ ಪ್ರೇಮದ ಊರಲಿ ಚಿತ್ರ ನೋಡಲು ಹೊರಗೆ ಹೋಗಿದ್ದಾಗ ತಡರಾತ್ರಿ ಮನೆಗೆ ನುಗ್ಗಿ ಈ ಕೃತ್ಯ ಎಸಗಿದ್ದಾನೆ. ಬಳಿಕ ಮರುದಿನ ಬೆಳ್ಳಗೆ ತಾನೇ ಸ್ವತಃ ಪೊಲೀಸ್ ಠಾಣೆಗೆ ತೆರಳಿ ಶರಣಾಗಿದ್ದು, ಪ್ರಕರಣ ದಾಖಲಿಸಿಕೊಂಡು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.