೧೨ ವರ್ಷದ ಬಾಲಕನಿಗೆ ಒಂದು ದಿನದ ಬಿಡಿಎ ಅಧ್ಯಕ್ಷ ಸ್ಥಾನದ ಘೋಷಣೆ

ಬೆಂಗಳೂರಿನ ಬಿಡಿಎ ಕೇಂದ್ರ ಕಚೇರಿಯಲ್ಲಿ ಬುಧವಾರ ಹೃದಯಸ್ಪರ್ಶಿ ಕ್ಷಣವೊಂದಕ್ಕೆ ಸಾಕ್ಷಿಯಾಯಿತು. ದೃಷ್ಟಿಹೀನ ಬಾಲಕನೊಬ್ಬ ಬಿಡಿಎ ಅಧ್ಯಕ್ಷರ ಅಧಿಕೃತ ಕುರ್ಚಿಯ ಮೇಲೆ ಕುಳಿತು ಒಂದು ದಿನದ ಅಧ್ಯಕ್ಷನಾಗಿ ಮಿಂಚಿದ್ದಾನೆ. ಬಿಡಿಎ ಅಧ್ಯಕ್ಷ ಎನ್.ಎ. ಹ್ಯಾರಿಸ್ ಅವರು 12 ವರ್ಷದ ಬಾಲಕ ರಾಹುಲ್ ಅವರನ್ನು ಕರೆದು, ಸಾಂಕೇತಿಕವಾಗಿ ಒಂದು ದಿನದ ಬಿಡಿಎ ಅಧ್ಯಕ್ಷನನ್ನಾಗಿ ಗೌರವಿಸಿದರು. ಈ ಸಂದರ್ಭದಲ್ಲಿ ಎನ್.ಎ. ಹ್ಯಾರಿಸ್ ಅವರು ಮಕ್ಕಳಿಗೆ ಕೀಳರಿಮೆ ಬೆಳೆಸಿಕೊಳ್ಳಬಾರದು ಎಂದು ಸ್ಫೂರ್ತಿಯ ಮಾತುಗಳನ್ನಾಡಿದರು.