ಮಾರತ್ತಹಳ್ಳಿಯಲ್ಲಿ ಯುವಕನ ಅಪಹರಣ ಪ್ರಕರಣ: 11 ಮಂದಿ ಬಂಧನ

ಮಾರತ್ತಹಳ್ಳಿಯಲ್ಲಿ ಯುವಕನ ಅಪಹರಣ ಪ್ರಕರಣ: 11 ಮಂದಿ ಬಂಧನ ಹಣಕ್ಕಾಗಿ ಯುವಕನನ್ನು ಅಪಹರಿಸಿದ ಆರೋಪದ ಮೇಲೆ ಮಾರತ್ತಹಳ್ಳಿ ಪೊಲೀಸರು 11 ಮಂದಿಯನ್ನು ಬಂಧಿಸಿದ್ದಾರೆ. ಅಪಹರಣಕ್ಕೊಳಗಾಗಿದ್ದ ಆಂಧ್ರಪ್ರದೇಶ ಮೂಲದ ಇಬ್ಬರು ಯುವಕರನ್ನು ಪೊಲೀಸರು ರಕ್ಷಿಸಿದ್ದಾರೆ ಎಂದು ಪೊಲೀಸ್‌ ಪ್ರಕಟಣೆ ತಿಳಿಸಿದೆ. ಅ. 28ರಂದು ತಮ್ಮ ಮಗನ ಅಪಹರಣದ ಕುರಿತು ದೂರು ನೀಡಿದ ರಮಣ ಎಂಬುವವರ ಮಗ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದು, ಆಂಧ್ರಪ್ರದೇಶದ ಕಡಪ ಮೂಲದ ತನ್ನ ಸ್ನೇಹಿತನೊಂದಿಗೆ ವಾಸವಾಗಿದ್ದ. ಪೊಲೀಸರು ಆಧುನಿಕ ತಂತ್ರಜ್ಞಾನ ಬಳಸಿ ತನಿಖೆ ನಡೆಸಿ 11 ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾರೆ.