ಬೆಂಗಳೂರು: ಸಿಟಿ ಮಾರುಕಟ್ಟೆ ಪೊಲೀಸ್ ಠಾಣೆಯಲ್ಲಿ ತೆಲಂಗಾಣದ ಆರೋಪಿಯ ವಿರುದ್ಧ ₹1.3 ಕೋಟಿ ವಂಚನೆ ಪ್ರಕರಣ ದಾಖಲು

ದೇವರ ಕೃಪೆಯಿಂದ ಸಿಕ್ಕ ಚಿನ್ನದ ಆಭರಣ ನೀಡುವುದಾಗಿ ನಂಬಿಸಿ, ಅಕ್ಕಸಾಲಿಗರೊಬ್ಬರಿಗೆ ₹1.3 ಕೋಟಿ ವಂಚಿಸಿರುವ ತೆಲಂಗಾಣದ ಆರೋಪಿಯ ವಿರುದ್ಧ ಸಿಟಿ ಮಾರುಕಟ್ಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಭೂತಂ ಲಿಂಗಯ್ಯ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಪತ್ತೆಗೆ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ. ಸೆಲ್ವರಾಜ್ ಕುಟುಂಬಸ್ಥರ ಜೊತೆಗೆ ಉತ್ತಮ ಒಡನಾಟ ಹೊಂದಿದ್ದ ಆರೋಪಿ, ಹಣ ಲಪಟಾಯಿಸುವ ಸಂಚು ರೂಪಿಸಿದ್ದ ಎಂದು ಮೂಲಗಳು ಹೇಳಿವೆ.